శ్రీ చైతన్య స్కూల్‌లో ఘనంగా నిర్వహించిన “స్మార్ట్ లివింగ్ కార్యక్రమం”
ప్రశ్న ఆయుధం జులై05: కూకట్‌పల్లి ప్రతినిధి
హైదర్‌నగర్ డివిజన్ పరిధిలోని నిజాంపేట్ రోడ్‌లో గల శ్రీ చైతన్య స్కూల్‌లో గ్రీన్ ఇండియా మిషన్‌లో భాగంగా “స్మార్ట్ లివింగ్ కార్యక్రమం” ఘనంగా నిర్వహించబడింది. ఈ కార్యక్రమానికి హైదర్‌నగర్ డివిజన్ కార్పొరేటర్ నార్నె శ్రీనివాస రావు ముఖ్య అతిథిగా హాజరై, కార్యక్రమాన్ని ప్రారంభించారు. ఈ సందర్భంగా నార్నె శ్రీనివాస రావు విద్యార్థులు, తల్లిదండ్రులతో కలిసి మొక్కలు నాటారు. ఈ సందర్భంగా కార్పొరేటర్ పర్యావరణ పరిరక్షణ యొక్క ప్రాముఖ్యతను వివరిస్తూ, సుస్థిర జీవన విధానాలను అవలంబించాలని, పచ్చదనాన్ని పెంచడం ద్వారా భవిష్యత్ తరాలకు సురక్షితమైన పర్యావరణాన్ని అందించాలని పిలుపునిచ్చారు. విద్యార్థులు మరియు తల్లిదండ్రులు ఈ కార్యక్రమంలో ఉత్సాహంగా పాల్గొని, పర్యావరణ సంరక్షణ పట్ల అవగాహన పెంచుకున్నారు.గ్రీన్ ఇండియా మిషన్ లక్ష్యాలైన అటవీ సంరక్షణ, జీవవైవిధ్యం మరియు కార్బన్ సీక్వెస్ట్రేషన్‌ను మరియు పర్యావరణ సమతుల్యతను
సాధించడంలో ఇటువంటి కార్యక్రమాలు కీలక పాత్ర పోషిస్తాయని శ్రీనివాస రావు అభిప్రాయపడ్డారు. ఈ కార్యక్రమంలో స్కూల్ వార్షిక సాధారణ సమావేశం శ్రీనివాస రెడ్డి , ప్రిన్సిపాల్ సింధూష, స్కూల్ టీచింగ్ స్టాఫ్, విద్యార్థులు, తల్లితండ్రులు తదితరులు పాల్గొన్నారు.
