ప్రభుత్వ సేవల నాణ్యత పెంపుపై సీఎం చంద్రబాబు సమీక్ష

ముఖ్యమంత్రి క్యాంపు కార్యాలయంలో జరిగిన ఈ సమీక్షలో, వివిధ శాఖల అధికారులు పాల్గొన్నారు. ప్రజలకు మరింత మెరుగైన సేవలు అందించేలా, సమర్థతను పెంచేలా చర్యలు తీసుకోవాలని సీఎం అధికారులను ఆదేశించారు.

ప్రజల అభిప్రాయం (పబ్లిక్ పర్సెప్షన్) కనీసం 80-90 శాతం సానుకూలంగా ఉండేలా చూడాలని సీఎం స్పష్టం చేశారు. పెన్షన్ల పంపిణీలో లోటుపాట్లున్న ప్రాంతాలపై ప్రత్యేక దృష్టి సారించి, అర్హులందరికీ సకాలంలో అందేలా చూడాలని సూచించారు.

దీపం పథకం కింద గ్యాస్ సిలిండర్ల డెలివరీకి డబ్బులు వసూలు చేయడాన్ని సీఎం తీవ్రంగా పరిగణించారు. ఈ విషయంలో కఠినంగా వ్యవహరించాలని అధికారులను ఆదేశించారు. ఆర్టీసీ బస్ స్టేషన్లలో సౌకర్యాలు, ఔట్ సోర్సింగ్ సేవల నాణ్యతను మెరుగుపరచాలని సూచించారు.