టీజీఎస్ ఆర్టీసీని ప్రభుత్వంలో విలీనం చేయాలి

*టీజీఎస్ ఆర్టీసీని ప్రభుత్వంలో విలీనం చేయాలి*

*ప్రభుత్వ సలహాదారులు మహమ్మద్ షబ్బీర్ అలీ కి వినతిపత్రం అందజేసిన ఎస్ డబ్ల్యూ యు నాయకులు*

*ఆర్టీసీ సమస్యలను ప్రభుత్వం దృష్టికి తీసుకెళ్తామన్న ప్రభుత్వ సలహాదారులు*

 ప్రభుత్వ సలహాదారులు మహమ్మద్ షబ్బీర్ అలీ కి , ఐ.ఎన్.టి.యు.సి అనుబంధ సంస్థ ఎస్.డబ్ల్యు.యు కామారెడ్డి డిపో కమిటీ ఆధ్వర్యంలో టిజిఎస్ ఆర్టిసి ని ప్రభుత్వం లో విలీనం చేయాలని వినతి పత్రం ఇవ్వడం జరిగింది. అలాగే ప్రభుత్వ సలహాదారులు షబ్బీర్ అలీ మాట్లాడుతూ ఆర్టీసీ సమస్యలను పరిష్కరించే దిశగా సీఎం రేవంత్ రెడ్డి దృష్టికి తీసుకెళ్తానని హామీ ఇవ్వడం జరిగింది. తదుపరి ఎస్.డబ్ల్యూ.యు కామారెడ్డి డిపో నాయకులు కే.రమేష్ గౌడ్ మాట్లాడుతూ ఆర్టీసీ ఉద్యోగులను ప్రభుత్వంలో విలియం చేయాలని, ట్రేడ్ యూనియన్ లపై ఆంక్షలు ఎత్తివేయాలని, గుర్తింపు సంఘం ఎన్నికలు నిర్వహించాలని, 2017 సంవత్సర వేతన సవరణ బకాయిలు చెల్లించాలని, కొత్త అలవెన్స్లు అమలు చేయాలని, రిటైర్డ్ అయిన ఉద్యోగులకు 2017 వేతన సవరణ జరిగి అన్ని బకాయిలు చెల్లించాలని, 2021,2025 వేతన సవరణలు అమలు చేయాలని, ఉద్యోగ భద్రత కల్పించాలని, సిబ్బందిపై అధిక పని భారాలు తగ్గించాలని, ఎంటి డబ్ల్యూ యాక్టును అమలు చేయాలనీ, బ్రీత్ ఎనలైజర్ టెస్ట్ కారణంగా నిరపారాదులైన డ్రైవర్లను శిక్షించరాదని , వారిని వైద్య పరీక్షలకు పంపాలని, మహాలక్ష్మి పథకం అమలు జరిగే తప్పులకు సిబ్బందిని అక్రమంగా శిక్షించరాదని అన్నారు. ఎలక్ట్రిక్ బస్సులను కేంద్రం ప్రభుత్వం పథకం ద్వారా రాష్ట్ర ప్రభుత్వాలు కొని ఆర్టీసీకి ఇవ్వాలని, కారుణ్య నియామకాలు రెగ్యులర్ ప్రతిపాదన కింద పని చేస్తున్న వారందరినీ రెగ్యులర్ చేయాలని అదే బస్సుల మరియు ఎలక్ట్రిక్ బస్సుల డ్రైవర్లను ఇతర సిబ్బందిని ఆర్టీసీలోనికి తీసుకోవాలని 2019 సమ్మె కాలంలో ఉద్యోగులపై నమోదు చేసిన పోలీస్ కేసులను ఎత్తివేయాలని, పిఎఫ్, సిసిఎస్ నుండి యజమాన్యం వాడుకున్న డబ్బులను వాటితో సహా చెల్లించాలని, ఔట్సోర్సింగ్, కాంటాక్ట్ల పేరు మీద పనిచేస్తున్న అధికారులను సూపర్వైజర్లను తొలగించాలని డిమాండ్ చేశారు. ఈ కార్యక్రమంలో రమేష్ గౌడ్, ఖదీర్, రాజు,సంగారెడ్డి,రాజులు, ప్రకాష్, వెంకట్ రాజం, రవిగౌడ్, రఫిక్, సిద్దిరములు,తదితరులు పాల్గొన్నారు.