సుప్రీం కోర్టు తీర్పు పై హర్షం
పీఎం మోడీ కి ధన్యవాదలు తెలిపిన మాదిగ జాతి బిడ్డలు
ప్రశ్న ఆయుధం 01 ఆగష్టు(బాన్సువాడ ప్రతినిధి)
కామారెడ్డి జిల్లా బాన్సువాడ అంబేడ్కర్ చౌరస్తా లొ ఎమ్మార్పీఎస్ బాబు జగ్జీవన్ రామ్ సంఘం నాయకులు సంబరాలు చేసుకున్నారు.
ఎస్సీ,వర్గీకరణ పై తీర్పు ఇచ్చిన సుప్రీం కోర్టు కు ధన్యవాదాలు తెలిపారు.అనంతరం అంబేద్కర్ విగ్రహానికి పూలమాలవేసి నివాళులర్పించారు.సుప్రీంకోర్టు తీర్పును రాష్ట్ర ప్రభుత్వాలకు అధికారం కల్పిస్తూ ఆదేశాలు జారీ చేయడంతో 30 ఏళ్ల పోరాటం నేటికి సాకారమైందని నాయకులు అన్నారు.వర్గీకరణ సాధించడం చరిత్రలో నిలిచిపోతుందని అన్నారు.మాదిగల చిరకాల పోరాటానికి ఫలితం దక్కిందని ఆనందం వ్యక్తం చేశారు. ఈ కార్యక్రమంలో ఎమ్మార్పీఎస్ జిల్లా అధ్యక్షులు గరుగళ్ల బాలరాజ్,బాబు జగ్జీవన్ రామ్ జిల్లా అధ్యక్షులు ఎర్రవట్టి పోశిరాం,ఎమ్మెస్ ఎఫ్ విద్యార్థి నాయకులు మావురం శ్రీకాంత్,ఎమ్మార్పీఎస్ నాయకులు కార్యకర్తలు తదితరులు పాల్గొన్నారు.
