ధాన్యం కొనుగోల్లు వేగవంతం చేయాలి జిల్లా కలెక్టర్..

ధాన్యం కొనుగోల్లు వేగవంతం చేయాలి జిల్లా కలెక్టర్..

కామారెడ్డి జిల్లా ప్రతినిధి
ప్రశ్న ఆయుధం నవంబర్ 11:

ధాన్యం కొనుగోల్లు వేగవంతం చేయాలని జిల్లా కలెక్టర్ ఆశిష్ సాంగ్వాన్ అన్నారు. సోమవారం మినీ సమావేశ మందిరంలో పౌరసరఫరాలు, మార్కెటింగ్, తదితర అధికారులతో సమావేశం నిర్వహించారు. ఈ సందర్భంగా కలెక్టర్ మాట్లాడుతూ, జిల్లాలో ధాన్యం కొనుగోళ్లు వేగవంతం చేయాలనీ, కొనుగోళ్లు చేసిన ధాన్యాన్ని సంబంధిత రైస్ మిల్లులకు తరలించాలని, ట్యాబ్ ఎంట్రీలు త్వరగా చేయాలని తెలిపారు. రైతులకు ఎలాంటి సమస్యలు తలెత్తకుండా కొనుగోలు చేసిన ధాన్యం నకు త్వరగా చెల్లింపులు జరిగేలా చూడాలని తెలిపారు. టార్పాలిన్, గోనె సంచులు ఎప్పటికప్పుడు సిద్ధంగా ఉంచుకోవాలని తెలిపారు. ధాన్యం కొనుగోళ్లు విషయంలో ఏర్పాటు చేసిన కంట్రోల్ రూం నకు వచ్చిన ఫిర్యాదులపై చర్యలు తీసుకోవాలని అన్నారు. జిల్లాలో పత్తి కొనుగోళ్లు ప్రారంభం అయ్యా యని జిల్లా మార్కెటింగ్ అధికారిణి పి.రమ్య తెలిపారు. అలాగే సోయా పంట కొనుగోళ్లు కూడా ప్రారంభించడం జరిగిందని మార్క్ ఫెడ్ ఇన్చార్జి జిల్లా మేనేజర్ మహేష్ తెలిపారు. ఈ సమావేశంలో అదనపు కలెక్టర్ (రెవిన్యూ) వి.విక్టర్, పౌరసరఫరాల జిల్లా మేనేజర్ రాజేందర్, ఇన్చార్జి జిల్లా పౌర సరఫరాల అధికారి నరసింహ రావు, జిల్లా సహకార అధికారి రాం మోహన్, డి. పి. ఎం. రమేష్ బాబు, తదితరులు పాల్గొన్నారు.