**అర్హులైన ప్రతి పేదవానికి ఇల్లు ఇవ్వడమే లక్ష్యం: తోటకూర వజ్రేష్ యాదవ్**
మేడ్చల్ జిల్లా ఘట్కేసర్ ప్రశ్న ఆయుధం జూన్ 23
అర్హులైన పేదలందరికీ ఇందిరమ్మ ఇళ్లు నిర్మించి ఇవ్వడమే కాంగ్రెస్ ప్రభుత్వ ప్రధాన కట్టుబాటని, అన్ని వర్గాల సంక్షేమం కోసం నిరంతరం కృషి కొనసాగుతుందని మేడ్చల్ నియోజకవర్గ ఇన్‌ఛార్జి తోటకూర వజ్రేష్ యాదవ్ అన్నారు.సోమవారం రోజు ఘట్కేసర్ మున్సిపాలిటీ మరియు పట్టణంలో విలీనమైన గ్రామాల్లో ఇందిరమ్మ ఇళ్ల లబ్ధిదారులకు ప్రొసీడింగ్ పత్రాలను అందజేసే కార్యక్రమం ఘనంగా జరిగింది. ఈ కార్యక్రమానికి ముఖ్య అతిథిగా హాజరైన తోటకూర వజ్రేష్ యాదవ్, మున్సిపల్ మాజీ చైర్‌పర్సన్ ముల్లి పావని జంగయ్య యాదవ్, బీ బ్లాక్ అధ్యక్షుడు వేముల మహేష్ గౌడ్, కమిషనర్ చంద్రశేఖర్ మరియు ఇందిరమ్మ కమిటీ సభ్యులతో కలిసి **75 మంది లబ్ధిదారులకు ప్రొసీడింగ్స్ పత్రాలు** అందజేశారు.
ఈ సందర్భంగా వజ్రేష్ యాదవ్ మాట్లాడుతూ, *“ఇళ్లు రానివారు బాధపడాల్సిన అవసరం లేదు. విడతలవారీగా అర్హులందరికీ ఇళ్లు ఇవ్వడం జరుగుతుంది. ఇందిరమ్మ ఇళ్ల పథకం అనేది ఒక నిరంతర ప్రక్రియ. పేదల అభివృద్ధి కోసం కాంగ్రెస్ ప్రభుత్వం పట్టుదలతో పని చేస్తోంది,”* అని తెలిపారు.
అలాగే బీఆర్ఎస్ పాలనను విమర్శిస్తూ, తెలంగాణను అప్పుల బోజుగా మార్చినదే వారి పాలన ఫలమని వ్యాఖ్యానించారు. కాంగ్రెస్ అధికారంలోకి వచ్చిన 18 నెలల్లోనే రైతులకు రుణ మాఫీ, ఉచిత ఆర్టీసీ ప్రయాణం, రేషన్ కార్డుల పంపిణీ, 59,000 ఉద్యోగాల భర్తీ వంటివి జరిపామన్నారు.
ఈ కార్యక్రమంలో మున్సిపల్ అధ్యక్షులు మామిడ్ల ముత్యాలు యాదవ్, మర్కెట్ కమిటీ డైరెక్టర్ మచేందర్ రెడ్డి, కీసర గుట్ట ఆలయ ధర్మకర్త అమర్, తదితర ప్రముఖులు, నాయకులు పాల్గొన్నారు.
ఇందిరమ్మ ఇళ్ల పత్రాలను అందుకున్న లబ్ధిదారులైన మహిళలు ఆనందం వ్యక్తం చేస్తూ ముఖ్యమంత్రి ఎనుముల రేవంత్ రెడ్డి, జిల్లా ఇన్‌ఛార్జి మంత్రి దుద్దిళ్ల శ్రీధర్ బాబు, నియోజకవర్గ ఇన్‌ఛార్జి వజ్రేష్ యాదవ్‌లకు కృతజ్ఞతలు తెలిపారు.
