ప్రభుత్వ డిగ్రీ కళాశాలలో ఘనంగా విశ్వ హిందీ దివస్
ప్రశ్న ఆయుధం, కామారెడ్డి :
ప్రభుత్వ ఆర్ట్స్ అండ్ సైన్స్ డిగ్రీ కళాశాల కామారెడ్డిలో ప్రతి సంవత్సరం జనవరి 10వ తేదీన ప్రపంచవ్యాప్తంగా హిందీ భాషను ప్రచారం చేయటానికి జరుపుకునే విశ్వ హిందీ దివస్ ను ఘనంగా నిర్వహించారు. ఈ సందర్భంగా అధ్యక్షత వహించిన కళాశాల ప్రిన్సిపల్ డాక్టర్ కె.విజయ్ కుమార్ మాట్లాడుతూ జాతీయ భాష హిందీని ప్రతి ఒక్కరు నేర్చుకోవాలని, దేశాన్ని ఏకీకృతం చేయటంలో హిందీ భాష స్థానం ఎనలేనిదని తెలిపారు. వైస్ ప్రిన్సిపాల్ డాక్టర్ కే. కిష్టయ్య మాట్లాడుతూ హిందీ నేర్చుకోవడం వల్ల అనేక ఉపాధి, ఉద్యోగ అవకాశాలు తో పాటుగా దేశ సంస్కృతిని, సౌభాతృత్వాన్ని అర్థం చేసుకోవచ్చని తెలిపారు. హిందీ శాఖాధిపతి డాక్టర్ జి శ్రీనివాసరావు మాట్లాడుతూ హిందీ భాష యొక్క ఆవిర్భావం, గొప్పతనం, హిందీకి ఇతర భాషలతో ఉన్నటువంటి సంబంధం గురించి వివరిస్తూ భారతీయ భాషపై అవగాహన కల్పించడం దాన్ని ప్రపంచవ్యాప్త భాషగా ప్రచారం చేయటం ఈ దినోత్సవం యొక్క ముఖ్య ఉద్దేశమని , ప్రపంచంలో 93 దేశాలకు పైగా హిందీ అధ్యయనం అధ్యాపనం జరుగుతుందని తెలిపారు. ఈ కార్యక్రమంలో కళాశాల ప్రిన్సిపల్ డాక్టర్ కె.విజయ్ కుమార్, వైస్ ప్రిన్సిపల్ డాక్టర్ కే కిష్టయ్య, అకాడమిక్ సమన్వయకర్త డాక్టర్ పి. విశ్వప్రసాద్, హిందీ శాఖాధిపతి డాక్టర్ జి. శ్రీనివాసరావు, బోటనీ శాఖాధిపతి డాక్టర్ దినకర్, శ్రీవల్లి, ఫర్హిన్ ఫాతిమా, డాక్టర్ బాలాజీ, రవి,మల్లేష్ తదితరులు పాల్గొన్నారు.
