*విశ్వకర్మ మహోత్సవం శ్రామికుల గౌరవానికి ప్రతీక: ఎమ్మెల్యే మల్లారెడ్డి*
మేడ్చల్ జిల్లా నాగారం ప్రశ్న ఆయుధం సెప్టెంబర్ 17
నాగారం మున్సిపాలిటీ పరిధిలోని జి.ఆర్.ఎస్.ఎస్. గార్డెన్‌లో కీసర మండల విశ్వ బ్రాహ్మణ సంఘం ఆధ్వర్యంలో శ్రీ విరాట్ విశ్వకర్మ యజ్ఞ మహోత్సవం ఘనంగా జరిగింది. ఈ ఆధ్యాత్మిక వేడుకకు రాజకీయ నాయకులు హాజరై ప్రత్యేక ఆకర్షణగా నిలిచారు.
ఈ కార్యక్రమానికి ముఖ్య అతిథులుగా హాజరైన మేడ్చల్ ఎమ్మెల్యే మల్లారెడ్డి మరియు నాగారం మాజీ మున్సిపల్ చైర్మన్ కౌకుంట్ల చంద్రారెడ్డి యజ్ఞంలో ప్రత్యేక పూజలు నిర్వహించారు. ఈ సందర్భంగా ఇద్దరు నాయకులు మాట్లాడుతూ, “విశ్వకర్మ కేవలం శిల్ప దేవుడు మాత్రమే కాదు, శ్రామిక లోకానికి మార్గదర్శి. విశ్వ బ్రాహ్మణ సంఘం ఐక్యతే మనకు నిజమైన బలం” అని ఉద్ఘాటించారు.
ఈ వేడుకలో మాజీ కౌన్సిలర్లు, స్థానిక నాయకులు, మండల విశ్వ బ్రాహ్మణ సంఘం అధ్యక్షుడు ఉప్పలోజు రాఘవేంద్ర చారి, ప్రధాన కార్యదర్శి సింగ్గోజు చంద్రం చారి, కోశాధికారి కనకాచారితో పాటు సంఘం సభ్యులు పెద్ద సంఖ్యలో పాల్గొని కార్యక్రమాన్ని విజయవంతం చేశారు.