లయన్స్ క్లబ్ సంగారెడ్డి ఆధ్వర్యంలో విద్యార్థులకు పోటీలు

సంగారెడ్డి, ఆగస్టు 14 (ప్రశ్న ఆయుధం న్యూస్): స్వాతంత్ర్య దినోత్సవాన్ని పురస్కరించుకొని జనని జన్మభూమిచ్చ- జనని జన్మభూమిశ్చ కార్యక్రమం ద్వారా లయన్స్ క్లబ్ 320డి ఆధ్వర్యంలో ప్రభుత్వ ఉన్నత పాఠశాలల విద్యార్థులకు సాహిత్య పోటీలను నిర్వహించారు. క్లబ్ అధ్యక్షుడు లయన్ పి.రామకృష్ణారెడ్డి అధ్యక్షతన, ఉపాధ్యక్షుడు ఎస్.వెంకటేశ్వర్ రావు (దాత), ప్రోగ్రామింగ్ అధికారిగా డిస్ట్రిక్ట్ చైర్మన్ యన్.రామప్ప పర్యవేక్షణలో ఈ కార్యక్రమం జరిగింది. క్లబ్ పరిధిలోని సంగారెడ్డి, కంది, కొండాపూర్, సదాశివపేట, పుల్కల్ మండలాల్లోని ప్రభుత్వ పాఠశాలల విద్యార్థులు పోటీలలో పాల్గొన్నారు. వ్యాసరచన, ఉపన్యాసం, చిత్రలేఖనం, పాటల విభాగాలలో పోటీలు నిర్వహించగా, మొత్తం 15 పాఠశాలల విద్యార్థులు ఉత్సాహంగా పాల్గొన్నారు. ఈ సందర్భంగా డిస్ట్రిక్ట్ చైర్మన్లు పి.రాములుగౌడ్, ఎస్.విజయేందర్ రెడ్డి మాట్లాడుతూ.. విద్యార్థులలో దాగి ఉన్న సృజనాత్మకతను వెలికితీయడమే తమ లక్ష్యం అని తెలిపారు. పోటీలు నిర్వహించడానికి సహకరించిన ప్రధానోపాధ్యాయులకు కృతజ్ఞతలు తెలిపారు. విజేతలకు త్వరలో బహుమతులు అందజేస్తామని వారు పేర్కొన్నారు