చిన్నారులతో దీపావళి సంబరాలు నిర్వహించిన మాదిరి ప్రిథ్వీరాజ్

సంగారెడ్డి/పటాన్ చెరు, అక్టోబర్ 21 (ప్రశ్న ఆయుధం న్యూస్): ఎండీఆర్ ఫౌండేషన్ ఆధ్వర్యంలో గత నాలుగు సంవత్సరాలుగా ప్రతి దీపావళి పండుగ రోజు చిన్నారులకు ఆనందం పంచుతూ వస్తున్న ఎండీఆర్ ఫౌండేషన్ కో ఫౌండర్ మాదిరి ప్రిథ్వీరాజ్. ఈ సంవత్సరం కూడా అదే ఆనందాన్ని పునరావృతం చేశారు. పటాన్‌చెరు నియోజకవర్గంలోని బొల్లారంలోని డిజైర్ సొసైటీలో ఉంటున్న అనాధ చిన్నారులకు టపాకాయలు పంపిణీ చేస్తూ, వారు ఉత్సాహంగా పండుగను జరుపుకోవాలని ఆకాంక్షించారు. ఎండీఆర్ ఫౌండేషన్ ద్వారా ప్రతి సంవత్సరం నిర్వహించే ఈ కార్యక్రమాలు సమాజంలో ఆనందం, సానుకూలతను పెంపొందించడంలో సహాయ పడుతున్నాయి. ఈ సందర్భంగా ప్రిథ్వీరాజ్ మాట్లాడుతూ.. చిన్నారుల చిరునవ్వు కన్నా విలువైనది ఏమీ లేదని, వారి ఆనందం నాకు దీపావళి వెలుగుల్లా అనిపిస్తుందని చెప్పారు. చిన్నారులు హర్షంతో ప్రిథ్వీరాజ్ కు థాంక్యూ అన్నా… హ్యాపీ దీపావళి అని కృతజ్ఞతలు తెలిపారు.