మెదక్, నర్సాపూర్, జూలై 21 (ప్రశ్న ఆయుధం న్యూస్): మెదక్ జిల్లా నర్సాపూర్ లోని సాయిబాబా ఆలయంలో ఆదివారం ప్రత్యేక పూజలు చేశారు. గురు పౌర్ణమి పురస్కరించుకొని సాయిబాబా ఆలయాన్ని పూలతో ప్రత్యేకంగా అలంకరించారు. ఉదయం అభిషేకంతో పాటు పూజా కార్యక్రమాలు నిర్వహించారు. ఈ సందర్భంగా భక్తులు పెద్ద సంఖ్యలో హాజరై సాయిబాబాను దర్శించుకున్నారు. దుర్గప్పగారి వరలక్ష్మి అంజాగౌడ్ ఆధ్వర్యంలో భక్తులకు అన్నదాన కార్యక్రమం ఏర్పాటు చేశారు. ఈ కార్యక్రమంలో పూజారి ప్రకాష్, ఆలయ కమిటీ సభ్యులు శ్రీనివాస్, చందన్ రెడ్డి, భక్తులు పాల్గొన్నారు.
