అంబేద్కర్ కు నివాళులు అర్పించిన బీసీ సంక్షేమ సంఘం నాయకులు

సంగారెడ్డి ప్రతినిధి, ఏప్రిల్ 14 (ప్రశ్న ఆయుధం న్యూస్): భారతరత్న అంబేద్కర్ జయంతి సందర్భంగా సంగారెడ్డి జిల్లా బీసీ సంక్షేమ సంఘం ఆధ్వర్యంలో ఘనంగా నివాళులు అర్పించారు. సోమవారం సంగారెడ్డి జిల్లా కేంద్రంలో అంబేద్కర్ జయంతి సందర్భంగా అంబేద్కర్ విగ్రహానికి పూలమాల వేసి ఘనంగా నివాళులు అర్పించారు. ఈ సందర్భంగా రాష్ట్ర కార్య నిర్వాహక అధ్యక్షుడు ప్రభుగౌడ్ మాట్లాడుతూ.. బడుగు బలహీన వర్గాల వారికి, వెనుకబడిన తరగతుల వారికి ప్రభుత్వ పథకాలు సరిగా అందడం లేదని అన్నారు. కేంద్ర, రాష్ట్ర ప్రభుత్వాలు దీనిపై దృష్టి పెట్టి తగిన చర్యలు తీసుకోవాలని కోరారు. ఈ కార్యక్రమంలో రాష్ట్ర బీసీ సంక్షేమ సంఘం ముఖ్య సలహాదారులు కిష్టయ్య, కృష్ణ యాదవ్, సంగారెడ్డి జిల్లా అధ్యక్షుడు పట్లోళ్ల మల్లికార్జున్ పాటిల్, ప్రధాన కార్యదర్శి రాజేశ్వర్ స్వామి, వెంకటేశ్వర్, మెఫీ, సుధాకర్, గౌలిశ్వర్, శ్రీనివాస్, జూనియర్ అంబేద్కర్ (రక్షిత్) తదితరులు పాల్గొన్నారు.