మెదక్/నర్సాపూర్, నవంబరు 21 (ప్రశ్న ఆయుధం న్యూస్): నర్సాపూర్ పట్టణంలో అయ్యప్ప స్వామి ఆలయ నిర్మాణ పనులు జోరుగా సాగుతున్నాయి. నర్సాపూర్ పట్టణ, నియోజకవర్గ ప్రజలకు అయ్యప్పస్వామి దర్శన భాగ్యం త్వరలోనే కలుగనున్నట్టు ఆలయ నిర్వాహకులు, అధ్యక్షుడు అశోక్ గౌడ్ గురుస్వామి, గౌరవ అధ్యక్షుడు శంకర్ రెడ్డి గురుస్వామి, ప్రధాన కార్యదర్శి రమేష్ గౌడ్ స్వామిలు తెలిపారు. గురువారం అయ్యప్ప స్వామి ఆలయ నిర్మాణ పనులను గురుస్వాములు పరిశీలించారు. అనంతరం ఆలయం వద్ద నరేందర్ అయ్యప్ప అన్నదాన కార్యక్రమం ఏర్పాటు చేశారు. ఈ కార్యక్రమంలో ఉపాధ్యక్షులు నాగరాజు గురుస్వామి, శ్రీనివాస్ గౌడ్ గురుస్వామి, అశోక్ గౌడ్ గురు స్వామి, అయ్యప్ప స్వాములు, భక్తులు పెద్ద ఎత్తున పాల్గొన్నారు.
అయ్యప్ప స్వామి ఆలయ నిర్మాణ పనులు పరిశీలించిన అయ్యప్ప గురుస్వాములు
Published On: November 21, 2024 8:34 pm
