సంగారెడ్డి ప్రతినిధి, జూలై 21 (ప్రశ్న ఆయుధం న్యూస్): ఆషాడ మాసం పురస్కరించుకొని సంగారెడ్డి అస్తావలి ఎఫ్ఆర్ఎస్ లో కొలువుతీరిన శ్రీ రేణుక ఎల్లమ్మ తల్లి దేవాలయంలో ఆదివారం భక్తులు పెద్ద ఎత్తున బోనాలు, నైవేద్యాలు సమర్పించారు. అదేవిధంగా శివసత్తులు, పోతురాజుల ఆటతో ఘనంగా జరుపుకున్నారు. ఈ సందర్భంగా బీజేపీ రాష్ట్ర నాయకులు కొండాపురం జగన్ కుటుంబ సభ్యులతో కలిసి అమ్మవారికి బోనాలు తీసి దర్శించుకున్నారు. ఈ కార్యక్రమంలో శంకర్ రెడ్డి, పట్టణ ప్రజలు పాల్గొన్నారు.
