ఎమ్మార్పీఎస్ మరియు వివిధ దళిత సంఘాల ఆధ్వర్యంలో పరిధిపేట గ్రామంలో 92వ కాన్షిరాం జయంతి వేడుకలు ఆదివారం ఘనంగా నిర్వహించారు. ఈ సందర్భంగా ఆయన చిత్రపటానికి పూలమాలలు వేసి నివాళులు అర్పించారు.
ఈ కార్యక్రమంలో ఎమ్మార్పీఎస్ రాష్ట్ర కార్యదర్శి మాజీ బట్ట వెంకట్ రాములు మాట్లాడుతూ, సామాజిక న్యాయం కోసం కాన్షిరాం చేసిన పోరాటాన్ని స్మరించారు. డాక్టర్ బి.ఆర్. అంబేద్కర్ ఆశయాల సాధనలో ఎన్నో సవాళ్లను ఎదుర్కొంటూ, ఉత్తరప్రదేశ్ లో బడుగు, బలహీన వర్గాలకు రాజకీయ అధికారాన్ని తీసుకువచ్చిన మహానేత కాన్షిరాం అని ఆయన పేర్కొన్నారు.
డాక్టర్ బి.ఆర్. అంబేద్కర్ సిద్ధాంతాలను ప్రజల్లోకి తీసుకెళ్లడానికి కాన్షిరాం తన జీవితాంతం కృషి చేశారని వెంకట్ రాములు తెలిపారు. ఆయన పోరాటం బడుగు, బలహీన వర్గాల హక్కుల పరిరక్షణకు మార్గదర్శకంగా నిలిచిందని వక్తలు గుర్తు చేశారు.
ప్రస్తుతం ఎమ్మార్పీఎస్ వ్యవస్థాపక అధ్యక్షుడు మందకృష్ణ మాదిగ కూడా అంబేద్కర్, బాబు జగ్జీవన్ రామ్ మరియు కాన్షిరాం ఆశయాలను కొనసాగిస్తూ వివిధ కార్యక్రమాలు చేపడుతున్నారని ఈ సందర్భంగా కొనియాడారు. ఈ కార్యక్రమంలో అంబేద్కర్ సంఘం వర్కింగ్ ప్రెసిడెంట్ బాలరాజు, బట్టింకి బాలరాజు, ఆశయం దీప, గౌడ్ లడ్డు, కొంగల భూమేష్, బుజ్జిగాని రవీందర్ కారోబార్ తదితరులు పాల్గొన్నారు.
