సంగారెడ్డి పట్టణంలో రోడ్లపై చెత్త వేస్తున్న వ్యాపారులపై మున్సిపల్ కమిషనర్ శ్రీనివాస్ రెడ్డి కఠిన చర్యలు తీసుకున్నారు. చెత్తను బహిరంగ ప్రదేశాల్లో వేసిన వ్యాపారుల వద్ద నుంచే ఆ చెత్తను శుభ్రం చేయించి, వారి షాపుల ముందు వేయించారు.
మున్సిపల్ కమిషనర్ శ్రీనివాస్ రెడ్డి మార్నింగ్ శానిటేషన్ డ్రైవ్లో భాగంగా ఐబీ కూడలి వద్ద పూల షాపుల యజమానులు, సువర్ణ కాంప్లెక్స్ సమీపంలోని అపోలో ఫార్మసీ సిబ్బంది రోడ్లపై చెత్త వేశారు. దీనిని గమనించిన కమిషనర్, వారిని పిలిపించి, ఆ చెత్తను వారితోనే తొలగింపజేశారు. అనంతరం, చెత్తను వారి షాపుల ముందు వేయించారు.
ఈ సందర్భంగా కమిషనర్ మాట్లాడుతూ, పట్టణ ప్రజలు చెత్తను బహిరంగ ప్రదేశాల్లో వేయకుండా, తడి, పొడి చెత్తను వేరు చేసి మున్సిపల్ వాహనాలకు అందించాలని సూచించారు. వ్యాపారులు పొడి చెత్తను సంచిలో వేసి, పారిశుధ్య సిబ్బందికి నేరుగా ఇవ్వాలని, రోడ్లపై వేయవద్దని హెచ్చరించారు.
పట్టణ ప్రజలు మున్సిపల్ కార్మికులకు సహకరించాలని, చెత్తను స్వచ్ఛ్ ఆటోలకు మాత్రమే ఇవ్వాలని తెలిపారు. ప్లాస్టిక్ వాడకం తగ్గించాలని, బయటకు వెళ్లేటప్పుడు బట్ట సంచులు వాడాలని ప్రజలకు సూచించారు.
ఈ చర్యలు పట్టణంలో పారిశుధ్య నిర్వహణపై అవగాహన కల్పించడంతో పాటు, నిబంధనలను పాటించని వారిపై కఠిన చర్యలు ఉంటాయని తెలియజేస్తున్నాయి.
