సంగారెడ్డి జిల్లా పోలీసుల ఆధ్వర్యంలో ఇఫ్తార్ విందు

రంజాన్ మాసం పురస్కరించుకుని, ముస్లిం సోదరులు నెల రోజుల పాటు ఉపవాస దీక్షలు చేస్తారని, సూర్యాస్తమయం తర్వాత ఉపవాసాన్ని విరమించే భోజనాన్ని ఇఫ్తార్ అంటారని జిల్లా ఎస్పీ పరితోష్ పంకజ్ తెలిపారు. ఈ సందర్భంగా పోలీసు శాఖలో పనిచేస్తున్న ముస్లిం సిబ్బంది కోసం ఈ ప్రత్యేక విందును ఏర్పాటు చేసినట్లు ఆయన పేర్కొన్నారు.

ఈ దావత్-ఇ-ఇఫ్తార్ కార్యక్రమంలో జిల్లా పోలీసు అధికారులతో పాటు, ముస్లిం సిబ్బంది పెద్ద సంఖ్యలో పాల్గొన్నారు. వారు ఉపవాస దీక్షలను విరమించి, అధికారులతో కలిసి విందులో పాల్గొన్నారు. ఈ సందర్భంగా అధికారులు ముస్లిం సిబ్బందికి రంజాన్ శుభాకాంక్షలు తెలిపారు.

ఈ కార్యక్రమంలో అదనపు ఎస్పీ శ్రీనివాస్ రావు, డీఎస్పీ సత్యయ్యగౌడ్, ప్రభాకర్, సురేందర్ రెడ్డి, ఏఆర్ డీఎస్పీ నరేందర్, ఇన్స్పెక్టర్లు రమేష్, రాము నాయుడు, రామకృష్ణ రెడ్డి, క్రాంతి కుమార్, ఆర్ఐలు రాజశేఖర్ రెడ్డి, డానియెల్, శ్రీనివాస్ రావ్ మరియు పలువురు ముస్లిం సిబ్బంది పాల్గొన్నారు. ఈ కార్యక్రమం పోలీసు శాఖలో సామరస్యాన్ని పెంపొందించే దిశగా ఒక అడుగుగా భావిస్తున్నారు.