చెన్నూర్: ఆస్తి తగాదాల్లో గొడ్డలితో దాడి, సోదరుడిపై కేసు నమోదు

కొమ్మెర గ్రామానికి చెందిన జోగురు రాజయ్యపై అతని తమ్ముడు, కుటుంబ సభ్యులు ఆస్తి పంపకాల విషయంలో తలెత్తిన వివాదాల కారణంగా గొడ్డలితో దాడి చేసినట్లు తెలుస్తోంది. ఈ దాడిలో రాజయ్యకు తీవ్ర గాయాలయ్యాయి.

స్థానికులు వెంటనే స్పందించి, రాజయ్యను సమీపంలోని చెన్నూరు ప్రభుత్వ ఆసుపత్రికి తరలించారు. అయితే, ఆయన పరిస్థితి ఆందోళనకరంగా ఉండటంతో, వైద్యుల సూచన మేరకు మంచిర్యాల ప్రభుత్వ ఆసుపత్రికి తరలించి చికిత్స అందిస్తున్నారు.

ఈ దారుణ సంఘటనపై సమాచారం అందుకున్న పోలీసులు వెంటనే సంఘటనా స్థలానికి చేరుకుని పరిశీలించారు. బాధితుడి ఫిర్యాదు మేరకు, అతని సోదరుడు, ఇతర కుటుంబ సభ్యులపై కేసు నమోదు చేశారు. నిందితుల కోసం గాలింపు చర్యలు ముమ్మరం చేశారు.

కుటుంబ సభ్యుల మధ్య ఆస్తి తగాదాలు ఇలా హింసాత్మక రూపం దాల్చడంపై గ్రామంలో ఆందోళన నెలకొంది. పోలీసులు ఈ కేసును తీవ్రంగా పరిగణించి, నిందితులను త్వరగా పట్టుకోవాలని స్థానికులు కోరుతున్నారు.