హైదర్ నగర్ దేవస్థానంలో శ్రీరామ పట్టాభిషేక మహోత్సవం ఘనంగా జరిగింది

ఆలయ కమిటీ ఆధ్వర్యంలో జరిగిన ఈ ప్రత్యేక పూజా కార్యక్రమంలో, నార్నె శ్రీనివాస రావు దంపతులు స్వామివారికి ప్రత్యేక పూజలు నిర్వహించి, మొక్కులు చెల్లించుకున్నారు.

ఈ సందర్భంగా నార్నె శ్రీనివాస రావు మాట్లాడుతూ, లోకకళ్యాణం కోసం అవతరించిన శ్రీరామచంద్రుని ఆశీస్సులు డివిజన్ ప్రజలందరిపై ఉండాలని, ప్రతి ఇంటా సుఖసంతోషాలు వెల్లివిరియాలని ఆకాంక్షించారు. ఆలయ అభివృద్ధికి కమిటీ సభ్యులు చేస్తున్న కృషిని ఆయన ప్రశంసించారు.

ఈ కార్యక్రమంలో ఆలయ కమిటీ సభ్యులు, స్థానిక కాలనీ వాసులు, మరియు పెద్ద సంఖ్యలో భక్తులు పాల్గొని, స్వామివారిని దర్శించుకున్నారు. పూజా కార్యక్రమాల అనంతరం భక్తులకు తీర్థప్రసాదాలు అందజేశారు.