జేఈఈ మెయిన్స్–2026 పరీక్ష ఫలితాల్లో నిజామాబాద్కు చెందిన ఎస్ఆర్ కాలేజ్ విద్యార్థులు జాతీయ స్థాయిలో గణనీయమైన ర్యాంకులు సాధించారు. 16 మంది విద్యార్థులు జాతీయ స్థాయి ర్యాంకులను పొందగా, 178 మంది విద్యార్థులు జేఈఈ అడ్వాన్స్డ్ పరీక్షకు అర్హత సాధించారు.
నేషనల్ టెస్టింగ్ ఏజెన్సీ (ఎన్టీఏ) నిర్వహించిన జేఈఈ మెయిన్స్ పరీక్షలకు సుమారు 15 లక్షల మంది విద్యార్థులు హాజరయ్యారు. ఏప్రిల్ 20న విడుదలైన ఫలితాల్లో ఎస్ఆర్ కాలేజ్ విద్యార్థులు తమ ప్రతిభను చాటుకున్నారు. 10 వేల లోపు ర్యాంకులు సాధించిన విద్యార్థులలో ఎం. శ్రీధర్ (162), ఎల్. మహేష్ (264), డి. శ్రీకాంత్ (3231), వై. శ్రీవర్ధన్ (3837) వంటివారు ఉన్నారు.
ర్యాంకులు సాధించిన విద్యార్థులను కళాశాల నిర్వహించిన కార్యక్రమంలో సన్మానించారు. ఈ సందర్భంగా డీజీఎం గోవర్థన్ రెడ్డి మాట్లాడుతూ, గ్రామీణ ప్రాంతాల విద్యార్థులకు కూడా జాతీయ స్థాయి ర్యాంకులు సాధించేలా ప్రత్యేక బోధనా ప్రణాళికలు అమలు చేస్తున్నామని తెలిపారు. మెరుగైన కోచింగ్, నాణ్యమైన అధ్యయన సామగ్రి వంటి అంశాలు విద్యార్థుల విజయానికి దోహదపడుతున్నాయని ఆయన పేర్కొన్నారు.
జోనల్ ఇన్చార్జ్ శ్రీకాంత్, డీన్ రాంబాబు మాట్లాడుతూ, సాధారణ విద్యార్థులు కూడా మంచి ర్యాంకులు సాధించేలా ప్రత్యేక శ్రద్ధ తీసుకుంటున్నామని, సులభమైన బోధన, వ్యక్తిగత శ్రద్ధ, ప్రశ్నపత్రాల విశ్లేషణ వంటివి కళాశాల ప్రత్యేకతలని వివరించారు. ఈ విజయాలు కళాశాల బోధనా ప్రమాణాలకు నిదర్శనమని వారు తెలిపారు.
