జిన్నారం మండల ప్రజలకు నూతన బస్సు సర్వీస్ ఏర్పాటు చేయించిన మాజీ ఎంపీపీ రవీందర్ గౌడ్

సంగారెడ్డి ప్రతినిధి, నవంబరు 8 (ప్రశ్న ఆయుధం న్యూస్): సంగారెడ్డి జిల్లా జిన్నారం మండలంలో సికింద్రాబాద్ జిన్నారం శివానగర్ బస్సు ఏర్పాటుకు కృషి చేసిన జిన్నారం తాజా మాజీ ఎంపీపీ రవీందర్ గౌడ్ కు మండలంలోని వావిలాల, లక్ష్మీ గూడెం, జిన్నారం, దాది గూడెం, సోలక్ పల్లి, రాళ్లకత్వ, శివానగర్ గ్రామల ప్రజలు ప్రత్యేక కృతజ్ఞతలు తెలిపారు. కొత్తగా ఏర్పాటు చేసిన బస్సును వావిలాల జిన్నారం గ్రామంలో పూలమాలలు వేసి కొబ్బరికాయలు కొట్టి పూజలు నిర్వహించారు. గత కొన్ని రోజులుగా బస్సు సౌకర్యం లేక ప్రజలు తీవ్ర ఇబ్బందులు ఏర్పడి గ్రామాలకు పట్టణాలకు వెళ్లలేకుండా ఇబ్బంది పడుతున్నారని తెలుసుకున్న మాజీ ఎంపీపీ జీడిమెట్ల డిపో అధికారులతో మాట్లాడి నూతనంగా 3 బస్సులను ఏర్పాటు చేశారు. ఈ బస్సు ఉదయం, మధ్యాహ్నం, సాయంత్రం వేళల్లో మూడు ట్రిప్పులు సికింద్రాబాద్, జిన్నారం, శివానగర్ రూట్లల్లో తిరుగుతుందని తెలిపారు. ప్రజల సమస్యలు తన దృష్టికి తీసుకువచ్చిన వాటిని పరిష్కరిస్తూ జిన్నారం మండలంలో ప్రతి గ్రామం అభివృద్ధి పథంలో తీసుకెళ్లడానికి తనవంతు కృషి చేస్తానని తెలిపారు. ఈ కార్యక్రమంలో వావిలాల, జిన్నారం గ్రామ నాయకులు, మాజీ సర్పంచులు, మాజీ వార్డు సభ్యులు, యువజన కాంగ్రెస్ నాయకులు, గ్రామ యువకులు తదితరులు పాల్గొన్నారు.