కామారెడ్డి జిల్లా బీసీ సంక్షేమ సంఘం నూతన అధ్యక్షుడిగా పెద్దపోతన్నగారి రాము పటేల్ ఎన్నిక
రాజీవ్ గాంధీ ఆడిటోరియం, న్యూ అంబేద్కర్ భవనంలో బీసీ సమావేశం ఘనంగా జరిగింది
రాష్ట్ర అధ్యక్షులు మేకపోతుల నరేందర్ గౌడ్ సహా పలువురు ప్రముఖ నేతలు హాజరు
బీసీలకు 42% రిజర్వేషన్ బిల్లు 9వ షెడ్యూల్‌లో చేర్చాలని డిమాండ్
రాము పటేల్ బీసీల అభ్యున్నతి కోసం కృషి చేస్తానని ప్రతిజ్ఞ
ప్రశ్న ఆయుధం కామారెడ్డి, ఆగస్టు 23:
తెలంగాణ బీసీ సంక్షేమ సంఘం కామారెడ్డి జిల్లా నూతన అధ్యక్షుడిగా పెద్దపోతన్నగారి రాము పటేల్ ఎన్నికయ్యారు. శుక్రవారం రోజు రాజీవ్ గాంధీ ఆడిటోరియంలోని న్యూ అంబేద్కర్ భవనంలో జరిగిన జిల్లా బీసీ సమావేశం ఘనంగా సాగింది.ఈ సమావేశానికి రాష్ట్ర అధ్యక్షులు మేకపోతుల నరేందర్ గౌడ్, రాష్ట్ర ముఖ్య సలహాదారు క్రిస్టోఫర్ గౌడ్, మాజీ ఎమ్మెల్సీ ఆకుల లలిత, రాష్ట్ర ఉపాధ్యక్షులు ఎర్ర శ్రీహరి గౌడ్, ఓబీసీ విద్యార్థి సంఘం జాతీయ అధ్యక్షులు నరిగే ప్రవీణ్ కుమార్ పటేల్, పేదల రిజర్వేషన్ పోరాట సమితి రాష్ట్ర అధ్యక్షులు గిరగాని బిక్షపతి గౌడ్ తదితరులు ముఖ్య అతిథులుగా హాజరయ్యారు.ఈ సందర్భంగా నరేందర్ గౌడ్ మాట్లాడుతూ, “బీసీల విద్య, ఉద్యోగాలు, స్థానిక సంస్థల్లో 42% రిజర్వేషన్స్ బిల్లు కేంద్ర ప్రభుత్వం ఆమోదించి రాజ్యాంగంలోని 9వ షెడ్యూల్‌లో చేర్చాలి. బీసీల అభ్యున్నతి కోసం అందరూ కట్టుబడి ఉండాలి” అని పిలుపునిచ్చారు.తరువాత రాష్ట్ర అధ్యక్షుల ఆధ్వర్యంలో కామారెడ్డి జిల్లా కొత్త కమిటీని ప్రకటించారు. అధ్యక్షుడిగా రాము పటేల్, ఉపాధ్యక్షులుగా నాగం దేవేందర్, గంధపు రాజు, ప్రధాన కార్యదర్శిగా పోగు పండు, వర్కింగ్ ప్రెసిడెంట్‌గా బుడాల శ్రీనివాస్ బాధ్యతలు స్వీకరించారు.నూతన అధ్యక్షుడు రాము పటేల్ మాట్లాడుతూ, “నాపై ఉంచిన విశ్వాసానికి ధన్యవాదాలు. బీసీల అభ్యున్నతి కోసం కృషి చేస్తాను” అని సంకల్పం వ్యక్తం చేశారు. సభలో ఘనంగా శుభాకాంక్షలు వెల్లువెత్తాయి.
