బంజారాహిల్స్‌లో కల్తీ నెయ్యి తయారీ కేంద్రంపై పోలీసుల దాడి: యజమాని అరెస్ట్, భారీగా సామగ్రి స్వాధీనం

పోలీసుల సమాచారం ప్రకారం, ఈ కేంద్రంలో తక్కువ నాణ్యత కలిగిన పామ్ ఆయిల్, వనస్పతి మరియు ఇతర పదార్థాలను ఆవు, గేదె మీగడతో కలిపి నకిలీ నెయ్యి తయారు చేస్తున్నారు. ఈ కల్తీ నెయ్యిని అసలైనదిగా ప్రజలకు, హోటళ్లకు, శుభకార్యాల నిర్వాహకులకు విక్రయిస్తున్నట్లు గుర్తించారు.

ఈ అక్రమ కార్యకలాపాలపై మాసబ్ ట్యాంక్ పోలీస్ స్టేషన్‌లో భారతీయ న్యాయ సంహిత సెక్షన్లు 318(4), 274, 275 కింద కేసు నమోదు చేశారు.

ఈ దాడులు అడిషనల్ డీసీపీ అందె శ్రీనివాసరావు పర్యవేక్షణలో జరిగాయి. కల్తీ నెయ్యి వ్యాపారంపై పోలీసులు మరింత లోతుగా విచారణ జరుపుతున్నారు.