సంగారెడ్డి జిల్లా కేంద్రంలోని ఈవీఎం గోడౌన్లో శనివారం రాష్ట్ర ఎన్నికల ప్రధాన అధికారి సుదర్శన్ రెడ్డి త్రైమాసిక తనిఖీ నిర్వహించారు.
ఈ తనిఖీలో జిల్లా కలెక్టర్ ప్రతీక్ జైన్, అదనపు కలెక్టర్ టి.ఎల్. సంగీత పాల్గొన్నారు. గుర్తింపు పొందిన రాజకీయ పార్టీల ప్రతినిధుల సమక్షంలో, ఈవీఎంలు, బ్యాలెట్ యూనిట్లు మరియు ఇతర ఎన్నికల సామాగ్రిని పరిశీలించారు.
సుదర్శన్ రెడ్డి ఈవీఎంల భద్రతా ప్రమాణాలపై అధికారులకు సూచనలు చేశారు. ఆయన మాట్లాడుతూ, ఎన్నికల సామాగ్రి భద్రత విషయంలో ఎలాంటి నిర్లక్ష్యం ఉండకూడదని తెలిపారు.
జిల్లా కలెక్టర్ ప్రతీక్ జైన్ ఈవీఎం గోడౌన్ నిర్వహణ మరియు భద్రతా ఏర్పాట్లపై క్రమం తప్పకుండా తనిఖీలు నిర్వహిస్తున్నామని తెలిపారు.
