కామారెడ్డి జిల్లాలో పెండింగ్ ఫీజు బకాయిల విడుదల కోసం రాష్ట్ర ప్రభుత్వంపై ఒత్తిడి తేవాలని టిఎన్ఎస్ఎఫ్ రాష్ట్ర ప్రధాన కార్యదర్శి డాక్టర్ బాలు ఎమ్మెల్సీ కోదండరాంను కోరారు. ఈ బకాయిల జాప్యం వల్ల విద్యార్థులు, అధ్యాపకులు, కళాశాల యాజమాన్యాలు తీవ్ర ఇబ్బందులు ఎదుర్కొంటున్నాయని ఆయన తెలిపారు.
మూడు సంవత్సరాలుగా పెండింగ్లో ఉన్న ఫీజు బకాయిలు విడుదల కాకపోవడంతో కామారెడ్డి జిల్లాలోని కళాశాలల యాజమాన్యాలు తీవ్ర ఆర్థిక ఇబ్బందులను ఎదుర్కొంటున్నాయి. దీని ప్రభావం విద్యార్థుల చదువులపై, అధ్యాపకుల జీవనోపాధిపై పడుతోందని టిఎన్ఎస్ఎఫ్ నాయకులు పేర్కొన్నారు.
ప్రభుత్వం ప్రతి నెలా 600 కోట్ల రూపాయలు విడుదల చేస్తామని హామీ ఇచ్చి, కేవలం 1200 కోట్ల రూపాయలు మాత్రమే విడుదల చేసిందని, మిగిలిన బకాయిలను వెంటనే విడుదల చేయాలని డాక్టర్ బాలు ముఖ్యమంత్రిని కోరారు.
కోర్సులు పూర్తి చేసుకున్న విద్యార్థులకు, అధ్యాపకులకు, యాజమాన్యాలకు న్యాయం జరిగేలా చూడాలని, ఈ సమస్యను తక్షణమే ముఖ్యమంత్రి దృష్టికి తీసుకువెళ్లాలని ఎమ్మెల్సీ కోదండరాంకు విజ్ఞప్తి చేశారు.
ఇటీవల ఎమ్మెల్సీగా ప్రమాణస్వీకారం చేసిన కోదండరాంకు టిఎన్ఎస్ఎఫ్ ఆధ్వర్యంలో సన్మానం జరిగింది. నూతన కామారెడ్డి జిల్లా తెలంగాణ జన సమితి అధ్యక్షుడిగా నియామకమైన కుంభాల లక్ష్మణ్ యాదవ్ కు కూడా అభినందనలు తెలిపారు.
