ప్రజా పాలన – ప్రగతి ప్రణాళికలో భాగంగా నిర్వహిస్తున్న విద్యా వారోత్సవాల్లో భాగంగా “విద్య విజయోత్సవం” కార్యక్రమం కామారెడ్డి జిల్లా కలెక్టర్ కార్యాలయంలో ఆదివారం జరిగింది. ఈ కార్యక్రమంలో జాతీయ స్థాయిలో రాణించిన హాకీ క్రీడాకారుడికి నగదు బహుమతి అందజేశారు.
విద్యా వారోత్సవాల్లో భాగంగా జరిగిన “విద్య విజయోత్సవం” కార్యక్రమంలో జిల్లా విద్యాశాఖ అధికారులు, సీఈఓ చందర్, జిల్లా విద్యాశాఖ అధికారి ఎస్. రాజు పాల్గొన్నారు. ఈ సందర్భంగా వారు జెడ్పీహెచ్ఎస్ గర్గుల్ పాఠశాల వ్యాయామ ఉపాధ్యాయుడు నోముల మధుసూదన్ రెడ్డిని ఘనంగా సన్మానించారు.
అదేవిధంగా, హాకీ క్రీడలో జాతీయ స్థాయిలో ప్రతిభ కనబరిచిన జెడ్పీహెచ్ఎస్ గర్గుల్ విద్యార్థి, క్రీడాకారుడు తులసి కుమార్ను రూ.10,000 నగదు బహుమతితో అభినందించారు.
విద్యార్థులు క్రీడల్లో మరింత రాణించి జిల్లాకు మంచి పేరు తీసుకురావాలని అధికారులు ఈ సందర్భంగా ఆకాంక్షించారు.
క్రీడాకారులను ప్రోత్సహించేందుకు ప్రభుత్వం ప్రత్యేక చర్యలు చేపడుతోందని అధికారులు తెలిపారు.
