కామారెడ్డిలో ఉగాది పంచాంగ శ్రవణం: ప్రజలకు శుభాకాంక్షలు తెలిపిన గడ్డం చంద్రశేఖర్ రెడ్డి

కామారెడ్డి నియోజకవర్గ కాంగ్రెస్ పార్టీ కార్యాలయంలో ఉగాది పండుగను పురస్కరించుకుని పంచాంగ శ్రవణం పూజా కార్యక్రమం జరిగింది. ఈ కార్యక్రమానికి టిపిసిసి స్టేట్ జనరల్ సెక్రెటరీ గడ్డం చంద్రశేఖర్ రెడ్డి హాజరై, పంచాంగ శ్రవణం చేశారు.

నూతన సంవత్సరంలో ప్రజలు పాడి పంటలతో సుభిక్షంగా ఉండాలని ఈ సందర్భంగా గడ్డం చంద్రశేఖర్ రెడ్డి ఆకాంక్షించారు. నియోజకవర్గ ప్రజలకు, కాంగ్రెస్ నాయకులకు, అధికారులకు ఆయన నూతన సంవత్సర శుభాకాంక్షలు తెలియజేశారు.

ఈ ఉగాది మీ అందరి జీవితాల్లో కొత్త వెలుగును తీసుకురావాలని, ఆయురారోగ్యాలతో, అష్టైశ్వర్యాలతో వర్ధిల్లాలని ఆయన కోరుకున్నారు. మీ ఆశలు, ఆకాంక్షలు నెరవేరాలని మనస్ఫూర్తిగా ఆకాంక్షిస్తున్నట్లు తెలిపారు.

ఈ పూజా కార్యక్రమంలో మాజీ మున్సిపల్ చైర్ పర్సన్ గడ్డం ఇందు ప్రియ, కామారెడ్డి పట్టణ కౌన్సిలర్లు, మాజీ కౌన్సిలర్లు, పలువురు కాంగ్రెస్ నాయకులు పాల్గొన్నారు.