ప్రపంచ నీటి దినోత్సవం సందర్భంగా కామారెడ్డి జిల్లాలో నీటి సంరక్షణ ఆవశ్యకతను చాటుతూ అధికారులు, ఉద్యోగులు 'నీటి ప్రతిజ్ఞ' చేశారు. జిల్లా కలెక్టర్ ఆశిష్ సాంగ్వాన్ ఈ కార్యక్రమానికి నాయకత్వం వహించారు.
కామారెడ్డి జిల్లా కలెక్టరేట్ సమావేశ మందిరంలో సోమవారం జరిగిన కార్యక్రమంలో, అధికారులు, ఉద్యోగులు నీటిని పొదుపుగా వినియోగించుకుంటామని, వృథాను అరికడతామని ప్రతిజ్ఞ చేశారు. నీటిని విలువైన సహజ వనరుగా భావించి, భవిష్యత్ తరాల కోసం పరిరక్షిస్తామని తెలిపారు.
కలెక్టర్ ఆశిష్ సాంగ్వాన్ మాట్లాడుతూ, నీటి వినియోగంలో ప్రతి ఒక్కరూ బాధ్యతగా వ్యవహరించాలని, భూమి, భవిష్యత్ తరాల కోసం నీటిని కాపాడటం అత్యంత ఆవశ్యకమని పేర్కొన్నారు. ప్రపంచ నీటి దినోత్సవం సందేశాన్ని ప్రజల్లోకి తీసుకెళ్లాలని అధికారులను ఆదేశించారు.
ఈ ప్రతిజ్ఞ కార్యక్రమం ద్వారా నీటి సంరక్షణపై ప్రజల్లో అవగాహన పెంచడం లక్ష్యంగా పెట్టుకున్నారు. నీటి వృథాను అరికట్టడం, పొదుపుగా వాడటం వంటి అంశాలపై దృష్టి సారించారు.
ఈ కార్యక్రమంలో ఏసీఎల్బీ మధుమోహన్, సీఈఓ చందర్, ఆర్డీవో వీణ, భూగర్భ జల శాఖ అధికారి సతీష్, జిల్లా అధికారులు పాల్గొన్నారు.
