కీసర సర్కిల్ కార్యాలయం సమీపంలో ప్రధాన రహదారి పక్కన ఎటువంటి అనుమతులు లేకుండా జరుగుతున్న భారీ షెడ్డు నిర్మాణంపై స్థానికులు తీవ్ర అభ్యంతరం వ్యక్తం చేస్తున్నారు. సంబంధిత టౌన్ ప్లానింగ్ అధికారులు చర్యలు తీసుకోకపోవడంపై వారు అసంతృప్తితో ఉన్నారు.
ప్రధాన రహదారికి ఆనుకుని బహిరంగంగా నిర్మాణ పనులు వేగంగా జరుగుతున్నప్పటికీ, అధికారులు పట్టించుకోకపోవడం పలు అనుమానాలకు దారితీస్తోందని స్థానికులు ఆరోపిస్తున్నారు. అధికారుల కళ్లముందే అక్రమ నిర్మాణం జరుగుతున్న తీరు ప్రజలను ఆశ్చర్యానికి గురిచేస్తోంది.
అధికారుల నుంచి స్పందన లేకపోవడాన్ని ప్రశ్నిస్తూ, వారి నిర్లక్ష్యం అక్రమ నిర్మాణాలకు ప్రోత్సాహం ఇస్తోందని ప్రజలు ఆవేదన వ్యక్తం చేశారు. భవిష్యత్తులో ట్రాఫిక్, భద్రతా సమస్యలు తలెత్తే ప్రమాదం ఉందని వారు హెచ్చరించారు.
సంబంధిత అధికారులు వెంటనే స్పందించి, అక్రమ నిర్మాణాన్ని పరిశీలించి తగిన చర్యలు తీసుకోవాలని స్థానికులు డిమాండ్ చేస్తున్నారు. దీనిపై జిల్లా కలెక్టర్కు ఫిర్యాదు చేసే యోచనలో ఉన్నట్లు వారు తెలిపారు.
