నగరంలోని శివాజీచౌక్ ప్రాంతంలో గత కొద్ది రోజులుగా సంచరిస్తున్న గుర్తుతెలియని వ్యక్తి చికిత్స పొందుతూ మృతి చెందాడు. అతని గుర్తింపునకు సంబంధించి పోలీసులు విచారణ చేపట్టారు.
సుమారు 45-50 సంవత్సరాల వయస్సు గల ఈ వ్యక్తి, చామనచాయ వర్ణంతో, ఎరుపు రంగు ఫుల్ షర్ట్ ధరించి ఉన్నాడు. అతనికి నలుపు-తెలుపు రంగుల తల వెంట్రుకలు, గడ్డం, మీసాలు ఉన్నాయని పోలీసుల ప్రాథమిక సమాచారం.
ఈ నెల 25వ తేదీ ఉదయం 11 గంటల సమయంలో, శివాజీచౌక్ సమీపంలో తిరుమల సాయి వైన్స్ ఎదుట ఆ వ్యక్తి అపస్మారక స్థితిలో పడిపోవడంతో, స్థానికులు వెంటనే 108 అంబులెన్స్కు సమాచారం అందించారు.
నిజామాబాద్ ప్రభుత్వ ఆసుపత్రిలో చికిత్స పొందుతున్న క్రమంలో, మంగళవారం (26-05-2026) ఉదయం అతను తుదిశ్వాస విడిచినట్లు వైద్యులు తెలిపారు. ఈ ఘటనపై 3 టౌన్ పోలీసులు కేసు నమోదు చేసుకుని దర్యాప్తు చేస్తున్నారు.
మృతుడిని గుర్తించడంలో సహాయపడాలని, ఎవరైనా అతడిని గుర్తుపట్టినట్లయితే నిజామాబాద్ 3 టౌన్ ఎస్ఐ హరిబాబును సంప్రదించాలని పోలీసులు ప్రజలకు విజ్ఞప్తి చేశారు. సంప్రదింపుల కోసం ఫోన్ నంబర్లు: 8712659839, 8712659717.
