రిజర్వ్ బ్యాంక్ ఆఫ్ ఇండియా (RBI) ఈఎమ్ఐ (EMI) పద్ధతిలో మొబైల్ ఫోన్లు, ట్యాబ్లెట్లు కొనుగోలు చేసిన వినియోగదారులకు కీలకమైన ఊరటనిచ్చింది. వరుసగా రెండు నెలల పాటు ఈఎమ్ఐ చెల్లింపులు ఆలస్యమైనప్పటికీ, సదరు పరికరాలను బ్లాక్ లేదా డీయాక్టివేట్ చేయరాదని బ్యాంకులకు స్పష్టమైన ఆదేశాలు జారీ చేసింది.
RBI మార్గదర్శకాల ప్రకారం, వినియోగదారులు 90 రోజుల వరకు ఈఎమ్ఐ చెల్లించకపోయినా, అత్యవసర సేవలను మినహాయించి ఫోన్ ఇతర ఫీచర్లను నిలిపివేసే అవకాశం ఉంటుంది. ఇది వినియోగదారులకు కొంత సమయం ఇవ్వడమే లక్ష్యంగా పెట్టుకుంది.
అయితే, ఈఎమ్ఐ బకాయిలు చెల్లించిన తర్వాత కూడా, గంట వ్యవధిలోపు ఫోన్ లాక్ తొలగించడంలో విఫలమైతే, ప్రతి గంటకు రూ. 250 చొప్పున వినియోగదారులకు జరిమానా విధించాలని RBI స్పష్టం చేసింది. ఈ నిబంధన రుణదాతలకు కూడా బాధ్యతను నిర్దేశిస్తుంది.
ఈ ప్రకటనతో, ఈఎమ్ఐలో స్మార్ట్ఫోన్లు కొనుగోలు చేసే లక్షలాది మంది వినియోగదారులకు ఆర్థిక ఇబ్బందుల సమయంలో కొంత ఉపశమనం లభించింది. వెంటనే పరికరాలు నిరుపయోగంగా మారతాయనే భయం తగ్గుతుంది.
