తమిళనాడు ఎన్నికల ప్రచారంలో మంత్రి సత్యకుమార్ యాదవ్: బీజేపీ అభ్యర్థి నామినేషన్ కార్యక్రమంలో పాల్గొన్న ఏపీ మంత్రి

అన్న నగర్ నుంచి తాలూకా కార్యాలయం వరకు జరిగిన ఈ ర్యాలీలో అన్ని వర్గాల ప్రజలు స్వచ్ఛందంగా పాల్గొని, ఎన్‌డీఏపై పెరుగుతున్న విశ్వాసాన్ని ప్రదర్శించారు. అభివృద్ధి, పారదర్శక పాలన, ప్రజల సంక్షేమం వంటి అంశాలను ముందుకు తీసుకువస్తున్న ఎన్‌డీఏకు విస్తృత ఆదరణ లభిస్తోందని ఈ జనసమీకరణ తెలియజేసింది. ఈ కార్యక్రమం విజయవంతంగా ముగిసింది.

ఈ సందర్భంగా మంత్రి సత్యకుమార్ యాదవ్ మాట్లాడుతూ, తమిళనాడు ప్రజలు మార్పు కోసం ఎదురుచూస్తున్నారని, అందుకు బీజేపీ అభ్యర్థులకు లభిస్తున్న ఆదరణ నిదర్శనమని పేర్కొన్నారు. డాక్టర్ నాగేష్ కుమార్ ప్రజలకు సేవ చేయాలనే దృఢ సంకల్పంతో ఉన్నారని, ప్రతి కుటుంబానికి చేరువగా ఉండే అభివృద్ధి కార్యక్రమాలను చేపడతారని హామీ ఇచ్చారని తెలిపారు.

రాబోయే ఎన్నికల్లో ఎన్‌డీఏ బలాన్ని ప్రతిబింబించే కీలక ఘట్టంగా ఈ నామినేషన్ దాఖలు కార్యక్రమం నిలిచిందని మంత్రి అభిప్రాయపడ్డారు. ప్రజల స్పందన తమకు మరింత ఉత్సాహాన్నిచ్చిందని, ఎన్నికల ప్రచారంలో ఇది ఒక ముఖ్యమైన మైలురాయి అని ఆయన అన్నారు.