బీజేపీ అధికార ప్రతినిధి కప్పర ప్రసాద్ రావుతో ఎంపీ రఘునందన్ రావు సమావేశం

బీజేపీ రాష్ట్ర అధికార ప్రతినిధి కప్పర ప్రసాద్ రావు, మెదక్ ఎంపీ రఘునందన్ రావును మర్యాదపూర్వకంగా సమావేశమయ్యారు. ఈ సందర్భంగా ఎంపీకి శాలువా కప్పి సన్మానించారు. వీరిద్దరి మధ్య ప్రాంత అభివృద్ధి, ప్రజలకు అందుతున్న సంక్షేమ పథకాలు, స్థానిక సమస్యల పరిష్కారం వంటి అంశాలపై విస్తృత చర్చ జరిగింది.

గ్రామీణ ప్రాంతాల్లో మౌలిక సదుపాయాల కల్పన, రహదారుల అభివృద్ధి, తాగునీటి సమస్యల పరిష్కారం, యువతకు ఉపాధి అవకాశాలు వంటి కీలక అంశాలను ఎంపీ దృష్టికి తీసుకెళ్లినట్లు కప్పర ప్రసాద్ రావు తెలిపారు. ఈ విషయాలపై దృష్టి సారించాలని ఆయన ఎంపీని కోరారు.

ప్రజల సమస్యలను ప్రభుత్వ దృష్టికి తీసుకెళ్లి పరిష్కరించడానికి కృషి చేస్తామని ఎంపీ రఘునందన్ రావు ఈ సందర్భంగా పేర్కొన్నారు. ప్రజల సేవ తమ ప్రధాన లక్ష్యమని ఆయన తెలిపారు.

ఈ సమావేశంలో జర్నలిస్టు సంఘాల నాయకులు పలువురు పాల్గొన్నారు. ఐఎఫ్డబ్ల్యూజే జాతీయ ఉపాధ్యక్షులు పెద్దాపురం నరసింహ, తెలంగాణ జర్నలిస్ట్ యూనియన్ రాష్ట్ర ప్రధాన కార్యదర్శి బింగి స్వామి, సిద్దిపేట, మెదక్, సంగారెడ్డి జిల్లాల అధ్యక్షులు, కార్యదర్శులు పాల్గొన్నారు.