కరాటే, మార్షల్ ఆర్ట్స్ గ్రేడింగ్ కార్యక్రమంలో పాల్గొన్న మాదిరి పృథ్వీరాజ్

సంగారెడ్డి/పటాన్ చెరు, ఆగస్టు 2 (ప్రశ్న ఆయుధం న్యూస్): పటాన్ చెరు నియోజకవర్గంలోని అమీన్ పూర్ మండలం పటేల్ గూడ గ్రామ పరిధిలో గ్రీన్ మెడోస్ కాలనీలో ఉన్న కమ్యూనిటీ హాల్ లో తేజ బుడోకాన్ కరాటే అకాడమీ ఆధ్వర్యంలో కరాటే గ్రేడింగ్ కార్యక్రమం అట్టహాసంగా నిర్వహించారు. ఈ కార్యక్రమానికి ముఖ్య అతిథిగా ఎండీఆర్ ఫౌండేషన్ కో-ఫౌండర్ మాదిరి ప్రిథ్వీరాజ్ హాజరై విద్యార్థులకు సర్టిఫికెట్లు, బెల్టులు అందజేశారు. ఈ సందర్భంగా ప్రిథ్వీరాజ్ మాట్లాడుతూ.. కరాటే వంటి మార్షల్ ఆర్ట్స్ శిక్షణ ద్వారా బాలబాలికలలో ఆత్మరక్షణ, నైపుణ్యం, ధైర్యం, క్రమశిక్షణ, శారీరక ఆరోగ్యం మెరుగవుతుందని తెలిపారు. ఇవి సమాజానికి బాధ్యతాయుతమైన పౌరులను తీర్చిదిద్దడంలో కీలక పాత్ర పోషిస్తాయని అన్నారు. తేజ బుడోకాన్ కరాటే అకాడమీ విద్యార్థుల్లో ఈ నైపుణ్యాలను పెంపొందించడం కోసం కృషి చేస్తుందన్నారు. ఈ కార్యక్రమంలో మాస్టర్ రమేష్, సురేందర్, ప్రతాప్, అనిల్, విద్యార్థుల తల్లిదండ్రులు, స్థానికులు పాల్గొన్నారు.