సిగాచి పరిశ్రమ ప్రమాద బాధిత కుటుంబాలకు రూ. కోటి పరిహారం: సీఎం రేవంత్ రెడ్డి

సంగారెడ్డి ప్రతినిధి, జూలై 1 (ప్రశ్న ఆయుధం న్యూస్): పాశమైలారం పారిశ్రామిక వాడలోని సిగాచి రసాయన పరిశ్రమలో జరిగిన విషాద ఘటనపై సీఎం రేవంత్ రెడ్డి స్పందించారు. మంగళవారం ఉదయం ప్రమాద స్థలాన్ని సందర్శించిన అనంతరం మీడియాతో మాట్లాడుతూ.. ఈ ఘటనలో మరణించిన ప్రతి కార్మికుని కుటుంబానికి రూ. 1 కోటి ఎక్స్‌గ్రేషియా (పరిహారం) ఇవ్వనున్నట్టు ప్రకటించారు. ఈ దుర్ఘటనపై సమగ్ర విచారణ జరిపించనున్నట్టు సీఎం స్పష్టం చేశారు. ప్రమాదానికి కారణమైన అంశాలు, బాధ్యులైన అధికారులు ఎవరైనా నిర్దిష్టమైతే, వారిపై కఠిన చర్యలు తీసుకుంటామని హెచ్చరించారు. విచారణ నివేదిక ఆధారంగా మరింత చర్యలు తీసుకుంటామని ఆయన పేర్కొన్నారు.