కామారెడ్డిలో అంబేద్కర్ జయంతి వేడుకలు: రాజ్యాంగ విలువలను కాపాడాలని పిలుపు

కామారెడ్డిలోని కమాన్ చౌరస్తాలో ఉన్న అంబేద్కర్ విగ్రహం వద్ద టీపీసీసీ స్టేట్ జనరల్ సెక్రటరీ గడ్డం చంద్రశేఖర్ రెడ్డి, పలువురు నాయకులు అంబేద్కర్ చిత్రపటానికి పూలమాలలు వేసి ఘనంగా నివాళులర్పించారు. ఈ సందర్భంగా అంబేద్కర్ ఆశయాలను స్మరించుకున్నారు.

అంబేద్కర్ ఆలోచనలు నేటికీ సమాజానికి మార్గదర్శకమని, ఆయన ప్రతిపాదించిన సమానత్వం, సామాజిక న్యాయం, విద్యా ప్రాముఖ్యత వంటి విలువలు ఎంతో కీలకమని గడ్డం చంద్రశేఖర్ రెడ్డి అన్నారు. రాజ్యాంగం కల్పించిన హక్కులను పరిరక్షించడం ప్రతి పౌరుడి బాధ్యత అని ఆయన పేర్కొన్నారు.

బలహీన వర్గాల అభ్యున్నతి ప్రభుత్వాల ప్రధాన లక్ష్యంగా ఉండాలని, యువత విద్య ద్వారా అభివృద్ధి చెందుతూ సమాజ నిర్మాణంలో కీలక పాత్ర పోషించాలని ఆయన సూచించారు. అంబేద్కర్ చూపిన మార్గం దేశ ప్రగతికి దిశానిర్దేశం చేస్తుందని అన్నారు.

ఈ కార్యక్రమంలో జిల్లా ప్రధాన కార్యదర్శి జూలూరి సుధాకర్, నిమ్మ విజయ్ కుమార్, ఉపాధ్యక్షులు పంపరి లక్ష్మణ్, మాజీ మున్సిపల్ చైర్మన్ ఇందు ప్రియ, మాజీ కౌన్సిలర్లు పంపరి శ్రీనివాస్, పిడుగు మమత, రవీందర్ గౌడ్, జమీల్, సుగుణ, మామిళ్ల రమేష్, ఆబిద్, రాశేఖర్, బల్ల శ్రీనివాస్, శశి, రాహుల్, అరుణ్, హైమద్, నిరంజన్, కర్ణకర్ తదితరులు పాల్గొన్నారు.