తెలంగాణ రాష్ట్ర ఆవిర్భావ దినోత్సవాన్ని పురస్కరించుకుని, నిజామాబాద్ పోలీసు శాఖలో విశిష్ట సేవలు అందించిన 19 మంది అధికారులకు, సిబ్బందికి రాష్ట్ర ప్రభుత్వం సేవా పతకాలను ప్రదానం చేసింది. నిజామాబాద్ పోలీసు పరేడ్ మైదానంలో జరిగిన రాష్ట్ర ఆవిర్భావ వేడుకల్లో ఈ గౌరవం దక్కింది.
రాష్ట్ర ప్రభుత్వ సలహాదారు పి. సుదర్శన్రెడ్డి, జిల్లా కలెక్టర్ ఇలా త్రిపాఠి, పోలీసు కమిషనర్ పి. సాయి చైతన్య (ఐపీఎస్) సంయుక్తంగా ఈ పతకాలను అందజేశారు. విధి నిర్వహణలో ప్రతిభ కనబరిచి, ప్రజలకు మెరుగైన సేవలు అందించిన పోలీసు సిబ్బందిని ఈ సందర్భంగా అతిథులు అభినందించారు.
సీ.ఎస్.బీ.లో ఎస్ఐగా విధులు నిర్వహిస్తున్న ఎస్. సంతోష్రెడ్డికి మహోన్నత సేవా పతకం లభించింది. ఇందల్వాయి పోలీస్ స్టేషన్కు చెందిన ఏఎస్ఐ టి. నాగభూషణం, నవీపేట్ పోలీస్ స్టేషన్ ఏఎస్ఐ షేక్ గఫర్, సీ.ఎస్.బీ. హెడ్ కానిస్టేబుల్ బి. జగదీశ్వర్లకు ఉత్తమ సేవా పతకాలు అందజేశారు.
ఇతర సేవా పతకాల గ్రహీతలలో నార్త్ రూరల్ సీఐ బి. శ్రీనివాస్, సీసీఆర్బీ ఎస్ఐ బి. శివరాం, వీఆర్ ఎస్ఐలు ఏ. ఆనంద్సాగర్, పి. రాజేశ్వర్, బోధన్ టౌన్ ఎస్ఐ ఖాన్ హబీబ్, ఉమెన్ పోలీస్ స్టేషన్ ఎస్ఐ పి. సంజీవరావు, టౌన్-4 ఎస్ఐ జి. ఉదయ్కుమార్, సీసీఎస్ ఎస్ఐ ఎం. విట్టల్రావు, నందిపేట్ ఏఎస్ఐ ఎస్. రాజేందర్, వన్టౌన్ ఏఎస్ఐ మహమ్మద్ అబ్దుల్ రహీం, ఉమెన్ పోలీస్ స్టేషన్ హెడ్ కానిస్టేబుల్ పి. రాజేశ్వర్, సీసీఎస్ హెడ్ కానిస్టేబుల్ పి. మోహన్, సీఏఆర్ హెడ్క్వార్టర్స్కు చెందిన ఏఆర్ హెడ్ కానిస్టేబుల్ బిస్మిల్లా బేగ్, సీసీఎస్ కానిస్టేబుల్ సి.హెచ్. సుభాష్, ఇందల్వాయి పోలీస్ స్టేషన్ కానిస్టేబుల్ కె. రామారావు ఉన్నారు.
భవిష్యత్తులోనూ ఇదే స్ఫూర్తితో పనిచేసి పోలీసు శాఖకు మరింత గౌరవం తీసుకురావాలని అతిథులు ఆకాంక్షించారు. ఈ కార్యక్రమం పోలీసు శాఖలో స్ఫూర్తిని నింపింది.
