గ్రంథాలయాల చైర్మన్ ను సన్మానించిన టీ.ఎన్.జీ.వో నాయకులు

సంగారెడ్డి ప్రతినిధి, నవంబరు 6 (ప్రశ్న ఆయుధం న్యూస్): సంగారెడ్డి జిల్లా గ్రంథాలయ ఛైర్మన్ గొల్ల అంజయ్యను టీ.ఎన్జీ.వో జిల్లా అధ్యక్షుడు ఎం.డీ.జావీద్ ఆలీ సన్మానించారు. బుధవారం రాష్ట్ర వైద్య ఆరోగ్య శాఖ మంత్రి దామోదర రాజానర్సింహా సమక్షంలో టీ.ఎన్జీ.వో జిల్లా అధ్యక్షుడు ఎం.డీ.జావీద్ ఆలీ, కార్యదర్శి వి.రవి ఆధ్వర్యంలో సంఘం తరపున ఘనంగా సన్మానించారు. ఈ సందర్భంగా ఎం.డీ.జావీద్ ఆలీ మాట్లాడుతూ ఉద్యోగులు ప్రతిరోజూ ఏదో ఒక సమయంలో ఒక గంట పాటు గ్రంథాలయాలకు వెళ్లి నైపుణ్యం పెంచుకోవాలని తెలిపారు. అదే విధంగా పోటీ పరీక్షలకు ప్రిపేర్ అవుతున్న నిరుద్యోగులు కుడా గ్రంథాలయాలకు వెళ్లి నైపుణ్యం పెంచుకోని పోటీ పరీక్షలలో విజయం సాధించి ఉద్యోగాలు సాధించాలని పిలుపునిచ్చారు. ఈ కార్యక్రమంలో జిల్లా అసోసియేట్ అధ్యక్షుడు కసిని శ్రీకాంత్, పి.వెంకటరెడ్డి, కోశాధికారి జి.శ్రీనివాస్, వి.విజయ్ కుమార్, రవి కృష్ణ, పట్టణ అధ్యక్షుడు వెంకటేశం, సాయి తదితరులు పాల్గొన్నారు.