జనగామ జిల్లా తరిగొప్పుల ఎస్సై శ్రీదేవి, రోడ్డు భద్రతపై అవగాహన కల్పిస్తూ, అతివేగం, అజాగ్రత్త వంటివి రోడ్డు ప్రమాదాలకు ప్రధాన కారణాలని, ముఖ్యంగా యువతలో ఈ ప్రమాదాలు ఎక్కువగా జరుగుతున్నాయని తెలిపారు.
ప్రజా పాలన ప్రగతిలో భాగంగా నిర్వహించిన రోడ్డు రవాణా అతి జాగ్రత్త కార్యక్రమంలో, ఎస్సై శ్రీదేవి వాహనదారులకు, ప్రజలకు రోడ్డు భద్రతా నియమాలపై అవగాహన కల్పించారు. ఈ కార్యక్రమంలో మహిళలు, వాహనదారులు పెద్ద సంఖ్యలో పాల్గొన్నారు.
హెల్మెట్ ధరించడం ప్రాణ రక్షణకు అత్యవసరమని, అలాగే కారులో సీటు బెల్టు తప్పనిసరిగా ధరించాలని ఆమె సూచించారు. జరిమానాల కోసమో, పోలీసుల భయంతోనో కాకుండా, తమ ప్రాణాలను కాపాడుకోవడం కోసమే ఈ నియమాలను పాటించాలని ఆమె వివరించారు.
నిర్లక్ష్యం, అతివేగం, మద్యం సేవించి వాహనాలు నడపడం, సెల్ ఫోన్ వాడుతూ డ్రైవింగ్ చేయడం, మైనర్ల డ్రైవింగ్, ఓవర్ టేకింగ్, టర్నింగ్ పాయింట్ల వద్ద జాగ్రత్త వహించకపోవడం వంటివి ప్రమాదాలకు దారితీస్తున్నాయని ఎస్సై పేర్కొన్నారు.
స్వచ్ఛందంగా నియమాలను పాటించడం ద్వారా రోడ్డు ప్రమాదాలను గణనీయంగా తగ్గించవచ్చని ఆమె ఆశాభావం వ్యక్తం చేశారు. ఈ కార్యక్రమంలో స్థానిక ప్రజాప్రతినిధులు, నాయకులు కూడా పాల్గొన్నారు.
