పటాన్చెరు, ఆగస్టు 1
పటాన్చెరు మండలం క్యాసారం గ్రామంలో ఆత్మ కమిటీ ఆధ్వర్యంలో నిర్వహించిన పొలంబడి కార్యక్రమంలో ఆత్మ కమిటీ చైర్మన్ కొత్తపల్లి శ్రీనివాస్ రెడ్డి పాల్గొన్నారు. ఆధునిక, శాస్త్రీయ వ్యవసాయ పద్ధతులను అవలంబించడం ద్వారా అధిక దిగుబడులు సాధించవచ్చని ఆయన రైతులకు సూచించారు.
పటాన్చెరు మండలం క్యాసారం గ్రామంలో ఆత్మ కమిటీ ఆధ్వర్యంలో శనివారం పొలంబడి కార్యక్రమాన్ని నిర్వహించారు. ఈ కార్యక్రమానికి ముఖ్య అతిథిగా ఆత్మ కమిటీ చైర్మన్ కొత్తపల్లి శ్రీనివాస్ రెడ్డి హాజరై రైతులను ఉద్దేశించి మాట్లాడారు.
ఆధునిక వ్యవసాయ పద్ధతులు, శాస్త్రీయ సాగు విధానాలను అవలంబించడం ద్వారా దిగుబడులు పెంచుకోవచ్చని ఆయన సూచించారు. వాతావరణ పరిస్థితులకు అనుగుణంగా పంటల నిర్వహణ, ఎరువుల సమతుల్య వినియోగం, చీడపీడల నివారణకు వ్యవసాయ శాఖ అధికారుల సలహాలు పాటించాలని రైతులకు సూచించారు.
ప్రభుత్వం అందిస్తున్న వ్యవసాయ పథకాలను సద్వినియోగం చేసుకుని ఆదాయాన్ని పెంచుకోవాలని కోరారు.
ఈ కార్యక్రమంలో సర్పంచ్ సంగీత గోవర్ధన్ రెడ్డి, శాస్త్రవేత్త అరుణ, ఏడీఏ మనోహర, హార్టికల్చర్ అధికారి అనూష, ఆత్మ కమిటీ డైరెక్టర్ మధుసూదన్ రెడ్డి, పటాన్ చెరు ఏవో శివ కుమార్, రామచంద్రపురం ఏవో ప్రసాద్, ఉప సర్పంచ్ వెంకటేష్, పంచాయతీ సెక్రటరీ నర్సింహారెడ్డి, ఏఈవోలు వయోలా, మౌనిక, వినోద్, ఏటీఎంలు సాయి, రోజా, గ్రామ పెద్దలు, రైతులు పాల్గొన్నారు.
