జిల్లాలో ఇంధన కొరత లేదు: ఆత్మ కమిటీ చైర్మన్

పటాన్‌చెరు ఆత్మ కమిటీ చైర్మన్ కొత్తపల్లి శ్రీనివాస్ రెడ్డి శుక్రవారం మాట్లాడుతూ, జిల్లాలో పెట్రోల్, డీజిల్ కొరతపై వస్తున్న వార్తలను ప్రజలు నమ్మవద్దని సూచించారు. రాష్ట్రంలో ఇంధన సరఫరా సాధారణంగా కొనసాగుతోందని, ఎక్కడా కొరత పరిస్థితి లేదని ఆయన స్పష్టం చేశారు.

ఆయిల్ కంపెనీలు, పెట్రోల్ బంక్ యాజమాన్యాలు సమన్వయంతో పని చేస్తూ ప్రజలకు ఎటువంటి ఇబ్బందులు కలగకుండా సరఫరా చేస్తున్నాయని ఆయన చెప్పారు. ఈ విషయంలో ప్రజలు ఆందోళన చెందాల్సిన అవసరం లేదని ఆయన పేర్కొన్నారు.

కొంతమంది అసత్య ప్రచారాలతో ప్రజల్లో ఆందోళన కలిగించే ప్రయత్నం చేస్తున్నారని శ్రీనివాస్ రెడ్డి విమర్శించారు. ఇటువంటి పుకార్లను ప్రజలు విశ్వసించవద్దని ఆయన కోరారు.

ప్రజలు అవసరానికి మించి ఇంధనం నిల్వ చేసుకోవద్దని, అపోహలకు లోనుకాకుండా సాధారణంగా వ్యవహరించాలని ఆయన సూచించారు. ప్రభుత్వ యంత్రాంగం పరిస్థితిని ఎప్పటికప్పుడు పర్యవేక్షిస్తోందని కొత్తపల్లి శ్రీనివాస్ రెడ్డి తెలిపారు.