అక్రమ సంబంధాల మోజులో పడి, ఇద్దరు పిల్లలను బస్సులో వదిలేసి ప్రియుడితో పరారైన తల్లి సంఘటన మహారాష్ట్రలోని బీడ్ జిల్లా యాత్వమాల్ లో కలకలం సృష్టించింది. ఈ ఘటనపై పోలీసులు కేసు నమోదు చేశారు.
26 ఏళ్ల యువతి తన ఇద్దరు పిల్లలతో కలిసి తుల్జాపూర్ కు వెళ్లే బస్సులో ప్రయాణిస్తుండగా, మార్గమధ్యంలో తన ప్రియుడికి సందేశం పంపింది. ప్రియుడు అక్కడికి చేరుకోగానే, నిద్రపోతున్న తన పిల్లలను బస్సులోనే వదిలేసి, ప్రియుడితో కలిసి స్కూటర్ పై వెళ్లిపోయింది.
కొంతసేపటి తర్వాత, పిల్లలు మేల్కొని తల్లి కనిపించకపోవడంతో ఏడవడం ప్రారంభించారు. వారి ఏడుపులు విని, బస్సు కండక్టర్ వారిని పోలీసులకు అప్పగించాడు. పోలీసులు పిల్లల వద్ద ఉన్న వస్తువులను పరిశీలించగా, వారి తల్లి ఇచ్చిన ఒక స్లిప్ దొరికింది. అందులో ఆమె తండ్రి చిరునామా, ఫోన్ నంబర్ ఉన్నాయి. పిల్లలను తన తండ్రికి అప్పగించాలని ఆ స్లిప్ లో పేర్కొంది.
అయితే, పిల్లల తాత పోలీసులతో మాట్లాడుతూ, తన కూతురు తనను సంరక్షించలేదని, అంతేకాకుండా తన వద్ద ఉన్న డబ్బు, స్కూటీని కూడా తన కూతురే ప్రియుడి సహాయంతో దొంగిలించిందని ఆరోపించాడు. ఈ సంఘటనతో, పిల్లల భవిష్యత్తును దృష్టిలో ఉంచుకుని, వారిని ప్రభుత్వ సంరక్షణ కేంద్రానికి తరలించారు.
ఈ ఘటనపై పోలీసులు విచారణ ప్రారంభించారు. తల్లి ప్రవర్తనపై తీవ్ర విమర్శలు వ్యక్తమవుతున్నాయి. పిల్లలను అనాథలను చేసి, అక్రమ సంబంధాల కోసం ఇలా చేయడం తల్లి ప్రేమకే కళంకం తెచ్చిందని పలువురు అభిప్రాయపడుతున్నారు.
