భార్యపై అనుమానంతో తన మూడు నెలల పసికందును దారుణంగా హత్య చేసిన ఘటన నిజామాబాద్ పట్టణంలో కలకలం రేపింది. ఈ కేసులో నిందితుడైన తండ్రిని పోలీసులు అరెస్ట్ చేసి దర్యాప్తు చేస్తున్నారు.
వన్టౌన్ పోలీసుల కథనం ప్రకారం, అశోక్నగర్కు చెందిన శ్రీమతి బద్రే ప్రియాంక (22) తన భర్త యువరాజు, మూడు నెలల కుమారుడు కనిపించడం లేదని జూన్ 18న పోలీస్ స్టేషన్లో ఫిర్యాదు చేశారు. ఈ ఫిర్యాదు మేరకు పోలీసులు కేసు నమోదు చేసి గాలింపు చర్యలు చేపట్టారు.
1 టౌన్ ఎస్ హెచ్ ఓ బి. రఘుపతి ఆధ్వర్యంలో ప్రత్యేక బృందాలు యువరాజును గుర్తించి అదుపులోకి తీసుకున్నాయి. విచారణలో, తన భార్యపై అనుమానం పెంచుకున్న యువరాజు, పుట్టిన బిడ్డ తనకు జన్మించిన సంతానం కాదనే అపోహతో, పసికందును తీసుకెళ్లి నిజామాబాద్ రైల్వే ట్రాక్ సమీపంలో పదునైన ఆయుధంతో హత్య చేసినట్లు నేరం అంగీకరించాడు.
నిందితుడు చూపించిన ప్రదేశంలో పోలీసులు పసిబిడ్డ మృతదేహాన్ని స్వాధీనం చేసుకున్నారు. అనంతరం మృతదేహాన్ని పోస్టుమార్టం నిమిత్తం ఆస్పత్రికి తరలించారు. తదుపరి చట్టపరమైన చర్యలు కొనసాగుతున్నాయని పోలీసులు తెలిపారు. ఈ ఘటన స్థానికంగా తీవ్ర విషాదాన్ని మిగిల్చింది.
ఈ కేసులో నిందితుడిని అరెస్ట్ చేసి, దర్యాప్తు కొనసాగిస్తున్నట్లు పోలీసులు తెలిపారు. ఈ దారుణ ఘటనపై స్థానికులు తీవ్ర దిగ్భ్రాంతి వ్యక్తం చేశారు.
