బాల్కొండ, 1 August
ఢిల్లీ వరల్డ్ స్కూల్, బాల్కొండ శాఖలో తెలంగాణ సాంస్కృతిక వైభవాన్ని చాటే బోనాల పండుగ, గోరింటాకు వేడుకలు, ఫ్రెండ్షిప్ డే కార్యక్రమాలను ఘనంగా నిర్వహించారు. విద్యార్థులు సంప్రదాయ దుస్తుల్లో పాల్గొని, అమ్మవారికి బోనం సమర్పించి ప్రత్యేక పూజలు చేశారు. ప్రసాద పంపిణీతో పాటు, గోరింటాకు, స్నేహబంధం ప్రతిబింబించే కార్యక్రమాల్లో ఉత్సాహంగా పాల్గొన్నారు.
ఢిల్లీ వరల్డ్ స్కూల్, బాల్కొండ శాఖలో తెలంగాణ సాంస్కృతిక వైభవాన్ని ప్రతిబింబించే బోనాల పండుగ, గోరింటాకు వేడుకలు, మరియు ఫ్రెండ్షిప్ డే కార్యక్రమాలను అత్యంత ఘనంగా నిర్వహించారు.
ఈ సందర్భంగా విద్యార్థులు సంప్రదాయ దుస్తుల్లో పాల్గొని అందరినీ ఆకట్టుకున్నారు. అమ్మవారికి భక్తిశ్రద్ధలతో బోనం సమర్పించి ప్రత్యేక పూజలు నిర్వహించారు. అనంతరం అమ్మవారి ప్రసాదాన్ని భక్తులకు, విద్యార్థులకు పంపిణీ చేశారు. గోరింటాకు కార్యక్రమాన్ని ఉత్సాహంగా నిర్వహించగా, ఫ్రెండ్షిప్ డే సందర్భంగా విద్యార్థులు స్నేహబంధాన్ని ప్రతిబింబించే కార్యక్రమాల్లో పాల్గొన్నారు.
కార్యక్రమంలో భాగంగా విద్యార్థులకు ఫ్రెండ్షిప్ డే ప్రాముఖ్యత, నిజమైన స్నేహం విలువలు, పరస్పర గౌరవం, ప్రేమ, సహకారం గురించి వివరించారు. అలాగే గోరింటాకు ఎందుకు పెట్టుకుంటారు, దాని సాంస్కృతిక, సాంప్రదాయ విశిష్టత ఏమిటి, బోనాల పండుగ ఎందుకు జరుపుకుంటారు, అమ్మవారికి బోనం సమర్పించే ఆచారం వెనుక ఉన్న ఆధ్యాత్మిక భావం, తెలంగాణ సంస్కృతిలో బోనాల ప్రత్యేకత గురించి విద్యార్థులకు సవివరంగా వివరించారు. మన సంస్కృతి, సంప్రదాయాలను కాపాడుకోవడం ప్రతి ఒక్కరి బాధ్యత అని తెలియజేశారు.
ఈ కార్యక్రమంలో పాఠశాల ప్రిన్సిపాల్ శ్రీప్రియ, కోఆర్డినేటర్ ప్రశాంత్ సర్, అడ్మిన్ అరుణ మేడం, ఉపాధ్యాయులు, విద్యార్థులు మరియు తల్లిదండ్రులు ఉత్సాహంగా పాల్గొని కార్యక్రమాన్ని విజయవంతం చేశారు.
ఈ సందర్భంగా పాఠశాల యాజమాన్యం మాట్లాడుతూ, విద్యార్థుల్లో భారతీయ సంస్కృతి, సంప్రదాయాలు, నైతిక విలువలు, స్నేహభావం మరియు సామాజిక బాధ్యతలను పెంపొందించేందుకు ఇటువంటి కార్యక్రమాలను నిరంతరం నిర్వహిస్తామని తెలిపారు. కార్యక్రమం విజయవంతం కావడానికి సహకరించిన తల్లిదండ్రులు, ఉపాధ్యాయులు, విద్యార్థులు మరియు సిబ్బంది అందరికీ హృదయపూర్వక కృతజ్ఞతలు తెలిపారు.
