కామారెడ్డి జిల్లాలో మహిళల కోసం ఉచిత రక్త పరీక్షల కార్యక్రమం ప్రారంభం

బిక్నూర్ మండల ప్రాథమిక ఆరోగ్య కేంద్రంలో గురువారం ఈ కార్యక్రమాన్ని కలెక్టర్ ప్రారంభించారు. రిబ్బన్ కట్ చేసి పరీక్షా కేంద్రాన్ని ప్రారంభించిన ఆయన, పరీక్షల నిర్వహణ తీరును పరిశీలించారు.

మహిళల ఆరోగ్య పరిరక్షణకు ఇటువంటి కార్యక్రమాలు ఎంతో ప్రయోజనకరమని, రక్తహీనతతో పాటు ఇతర ఆరోగ్య సమస్యలను ప్రారంభ దశలోనే గుర్తించి చికిత్స అందించడానికి ఈ ఉచిత పరీక్షలు ఉపయోగపడతాయని కలెక్టర్ వివరించారు.

మహిళలు తమ ఆరోగ్యంపై ప్రత్యేక శ్రద్ధ వహించాలని, క్రమం తప్పకుండా ఆరోగ్య పరీక్షలు చేయించుకోవడం ద్వారా వ్యాధులను నివారించవచ్చని సూచించారు. మహిళా సంఘాల సభ్యులు ఈ అవకాశాన్ని సద్వినియోగం చేసుకోవాలని పిలుపునిచ్చారు.

గ్రామీణ ప్రాంత ప్రజలకు ప్రభుత్వ కార్యక్రమాలు చేరువ అవుతున్నాయని, ప్రజల ఆరోగ్య పరిరక్షణకు రాష్ట్ర ప్రభుత్వం ప్రాధాన్యత ఇస్తోందని కలెక్టర్ తెలిపారు. ఈ కార్యక్రమంలో పలువురు అధికారులు, వైద్య సిబ్బంది పాల్గొన్నారు.