భారత స్వాతంత్ర్య సమరయోధుడు, మన్యం వీరుడు అల్లూరి సీతారామరాజు 102వ వర్ధంతిని పురస్కరించుకుని ఎన్టీఆర్ జిల్లా మైలవరంలో ఆయన సేవలను స్మరించుకుంటూ ఘనంగా నివాళి అర్పించారు.
అల్లూరి సీతారామరాజు 1897 జూలై 4న విశాఖపట్నం జిల్లా పాండ్రంగిలో జన్మించారు. బ్రిటిష్ పాలనకు వ్యతిరేకంగా గిరిజనులను సమీకరించి, సాయుధ పోరాటం జరిపిన అగ్రగణ్య విప్లవకారుడిగా ఆయన చరిత్రలో నిలిచిపోయారు.
ఆయన నాయకత్వంలో జరిగిన రంపా తిరుగుబాటు (1922-24) బ్రిటిష్ వారికి గట్టి సవాలు విసిరింది. గెరిల్లా యుద్ధతంత్రంతో బ్రిటిష్ పోలీసు స్టేషన్లపై దాడులు చేస్తూ, మన్యం ప్రజల కష్టాలను తీర్చడానికి అల్లూరి కృషి చేశారు.
1924 మే 7న బ్రిటిష్ వారి చేతిలో వీరమరణం పొందిన అల్లూరి సీతారామరాజు, నేటికీ ఎందరికో స్ఫూర్తిగా నిలుస్తున్నారు. ఆయన గౌరవార్థం ఆంధ్రప్రదేశ్లో ఒక జిల్లాకు ఆయన పేరు పెట్టడం జరిగింది.
మైలవరంలో, శాసనసభ్యులు వసంత వేంకట కృష్ణ ప్రసాద్ గారి తరపున, బి. మల్లి (వసంత సోషల నియోజకవర్గం) అల్లూరి సీతారామరాజు వర్ధంతి సందర్భంగా హృదయపూర్వకంగా ఘన నివాళి అర్పిస్తున్నట్లు తెలిపారు. ఆయన దేశభక్తి, గిరిజనుల కోసం చేసిన పోరాటాలను ఈ సందర్భంగా స్మరించుకున్నారు.
