బి.ఆర్.ఎస్. పార్టీ ఆధ్వర్యంలో ఆర్మూర్ పట్టణంలో డాక్టర్ బి.ఆర్. అంబేద్కర్ 135వ జయంతి వేడుకలు మంగళవారం ఘనంగా జరిగాయి. ఈ సందర్భంగా అంబేద్కర్ విగ్రహానికి నివాళులర్పించడంతో పాటు, ఆయన ఆశయాలు, సామాజిక న్యాయం, విద్య ప్రాధాన్యతపై చర్చించారు.
బి.ఆర్.ఎస్. పార్టీ నిజామాబాద్ జిల్లా అధ్యక్షులు, ఆర్మూర్ మాజీ ఎమ్మెల్యే ఆశన్నగారి జీవన్ రెడ్డి గారి పిలుపు మేరకు, ఆర్మూర్ పట్టణ అధ్యక్షులు పూజ నరేంధర్ గారి నేతృత్వంలో ఈ కార్యక్రమం అంబేద్కర్ చౌరస్తా వద్ద నిర్వహించబడింది. అంబేద్కర్ విగ్రహానికి పూలమాలలు సమర్పించి, ఆయన సేవలను స్మరించుకున్నారు.
డాక్టర్ అంబేద్కర్ సామాజిక న్యాయం కోసం చేసిన కృషిని, సమానత్వం, విద్యా ప్రాధాన్యత, హక్కుల సాధనలో ఆయన చూపిన మార్గాన్ని నాయకులు గుర్తు చేసుకున్నారు. యువత ఆయన ఆదర్శాలను అనుసరించాలని సూచించారు.
గ్రామ అభివృద్ధికి విద్య అత్యంత కీలకమని, ప్రతి ఒక్కరూ విద్యపై దృష్టి సారించాలని ఈ సందర్భంగా ఉద్బోధించారు. ఈ కార్యక్రమంలో పలువురు పార్టీ నాయకులు, కౌన్సిలర్లు, కార్యకర్తలు పాల్గొన్నారు.
