విశ్రాంత ఎంఈఓ అంజయ్య నిజాంపూర్ పాఠశాల సందర్శన

మంగళవారం సదాశివపేట మండలంలోని నిజాంపూర్ కాలనీ ప్రాథమిక పాఠశాలలో మండల విశ్రాంత అధికారి అంజయ్య పర్యటించారు. ఆయన పాఠశాల పరిసరాలను క్షుణ్ణంగా పరిశీలించారు.

పాఠశాల అభివృద్ధిని చూసి అంజయ్య సంతృప్తి వ్యక్తం చేశారు. పాఠశాల సిబ్బందిని అభినందిస్తూ, విద్యార్థులను ప్రోత్సహించారు. ప్రతిరోజూ పాఠాలను శ్రద్ధగా విని, పరీక్షలకు బాగా సిద్ధం కావాలని ఆయన సూచించారు.

విద్యార్థులు ఉన్నత స్థాయికి ఎదగాలని, సమాజానికి ఉపయోగపడేలా తీర్చిదిద్దాలని ఆకాంక్షించారు. పాఠశాల అభివృద్ధికి తనవంతు సహాయ సహకారాలు అందిస్తానని హామీ ఇచ్చారు.

ఈ సందర్భంగా పాఠశాల సిబ్బంది అంజయ్యను సన్మానించారు. ఆయన విద్యార్థులకు మిఠాయిలు పంపిణీ చేశారు. ఈ కార్యక్రమంలో ప్రధానోపాధ్యాయుడు రామకృష్ణ, ఉపాధ్యాయులు నవనీత, విద్యార్థులు పాల్గొన్నారు.