ఆర్టీసీ కార్మికుల సమ్మెకు బీజేపీ పూర్తి మద్దతు ప్రకటించింది

బీజేపీ రాష్ట్ర అధ్యక్షుడు రాంచందర్ రావు ప్రభుత్వ తీరుపై తీవ్రంగా మండిపడ్డారు. సమస్యలను పక్కనపెట్టి కేబినెట్ అంటూ కాలయాపన చేస్తున్నారని విమర్శించారు. గతంలో పీఆర్సీపై ఇచ్చిన హామీని కేసీఆర్ తప్పారని గుర్తుచేశారు.

కార్మికులను ప్రభుత్వం చిన్నచూపు చూస్తోందని, ముఖ్యమంత్రి రేవంత్ రెడ్డి కూడా మాట తప్పారని రాంచందర్ రావు ఆరోపించారు. కేసీఆర్, రేవంత్ రెడ్డి ఇద్దరూ ఒకటేనని ఆయన వ్యాఖ్యానించారు.

ఆర్టీసీ కార్మికుల సమ్మెకు బీజేపీ సంపూర్ణ మద్దతు ఉంటుందని రాంచందర్ రావు స్పష్టం చేశారు. రాష్ట్రవ్యాప్తంగా పార్టీ కార్యకర్తలు కార్మికులకు మద్దతుగా ఉంటారని తెలిపారు.

ప్రభుత్వం ఆర్టీసీ కార్మికులతో వెంటనే చర్చలు జరపాలని, లేదంటే బీజేపీ తరపున ఆందోళనలో పాల్గొంటామని హెచ్చరించారు. రేపు (శుక్రవారం) కార్మికులతో ప్రభుత్వం చర్చలు జరపాలని ఆయన డిమాండ్ చేశారు.