తెలుగుదేశం పార్టీ కేంద్ర కార్యాలయంలో నూతన కార్యవర్గం ప్రమాణ స్వీకారం జరిగింది. ఈ సందర్భంగా 252 మంది సభ్యులు ప్రమాణ స్వీకారం చేయగా, మహానాడులో మరో సభ్యుడితో కలిపి ఈ సంఖ్య 253కి చేరుతుందని పార్టీ వర్గాలు తెలిపాయి.
నూతన కార్యవర్గంలో 29 మంది పోలిట్ బ్యూరో సభ్యులు, 33 మంది జాతీయ పార్టీ కమిటీ సభ్యులు, 190 మంది రాష్ట్ర కమిటీ సభ్యులు ఉన్నారు. పార్టీ జాతీయ అధ్యక్షులుగా ఎన్నిక కానున్న ముఖ్యమంత్రి నారా చంద్రబాబు నాయుడు చేతుల మీదుగా ఈ ప్రమాణ స్వీకారం జరిగింది.
టీడీపీ జాతీయ వర్కింగ్ ప్రెసిడెంట్ గా నారా లోకేష్ బాబు, ప్రధాన కార్యదర్శిగా దేవినేని ఉమామహేశ్వరరావు ప్రమాణ స్వీకారం చేశారు. వీరికి, అలాగే ఇతర సభ్యులకు పలువురు నాయకులు శుభాకాంక్షలు తెలిపారు.
త్వరలో జరగనున్న మహానాడులో పార్టీ జాతీయ అధ్యక్షుడిగా నారా చంద్రబాబు నాయుడు ఎన్నిక కానున్న నేపథ్యంలో ఈ ప్రమాణ స్వీకారం ప్రాధాన్యత సంతరించుకుంది.
ఈ కార్యక్రమంలో పార్టీ సీనియర్ నాయకులు, కార్యకర్తలు పెద్ద సంఖ్యలో పాల్గొన్నారు. నూతన కార్యవర్గం పార్టీ బలోపేతానికి కృషి చేస్తుందని ఆశాభావం వ్యక్తం చేశారు.
